നിയമസഭാ സമ്മേളനം പിരിഞ്ഞതായി ഗവര്ണറെ അറിയിച്ച് സര്ക്കാര്..... ഗവര്ണര്-സര്ക്കാര് പോര് അനിശ്ചിതമായി നീളുന്നത് ഭരണ സ്തംഭനത്തിലേക്ക് കാര്യങ്ങളെത്തിക്കുമെന്ന പശ്ചാത്തലത്തിലാണ് സര്ക്കാര് തീരുമാനം, നയപ്രഖ്യാപനം ഈ മാസം അവസാനം...
നിയമസഭാ സമ്മേളനം പിരിഞ്ഞതായി ഗവര്ണറെ അറിയിച്ച് സര്ക്കാര്..... ഗവര്ണര്-സര്ക്കാര് പോര് അനിശ്ചിതമായി നീളുന്നത് ഭരണ സ്തംഭനത്തിലേക്ക് കാര്യങ്ങളെത്തിക്കുമെന്ന പശ്ചാത്തലത്തിലാണ് സര്ക്കാര് തീരുമാനം, നയപ്രഖ്യാപനം ഈ മാസം അവസാനം...
സജി ചെറിയാന്റെ മന്ത്രിയായുള്ള സത്യപ്രതിജ്ഞയ്ക്ക് ഗവര്ണര് വഴങ്ങിയതിനു പിന്നാലെ, ഏറ്റുമുട്ടല് മയപ്പെടുത്തിയ സര്ക്കാര് ഡിസംബര് 13ന് അവസാനിച്ച നിയമസഭാ സമ്മേളനം പിരിഞ്ഞതായി ഗവര്ണറെ അറിയിച്ചു.
മന്ത്രിസഭാ തീരുമാനത്തിന്റെ ഫയലില് ഇന്നലെ രാത്രിയോടെ ഗവര്ണര് ഒപ്പുവയ്ക്കുകയും ചെയ്തതോടെ, ഈ മാസാവസാനം ആരംഭിക്കുന്ന പുതുവര്ഷ സമ്മേളനം ഗവര്ണറുടെ നയപ്രഖ്യാപനത്തോടെയാകുമെന്ന് ഉറപ്പായി. പതിനഞ്ചാം കേരള നിയമസഭയുടെ ഏഴാം സമ്മേളനം അവസാനിച്ച് രണ്ടാഴ്ചയിലേറെ പിന്നിട്ടിട്ടും, സഭ പിരിഞ്ഞതായി അറിയിക്കാന് മന്ത്രിസഭായോഗം തീരുമാനിക്കാതിരുന്നത്, ഇടഞ്ഞുനില്ക്കുന്ന ഗവര്ണറെക്കൊണ്ട് നയപ്രഖ്യാപനം നടത്തിക്കാതിരിക്കാനാണെന്ന അഭ്യൂഹം സൃഷ്ടിച്ചിരുന്നു.
ഇന്നു ചേരുന്ന പ്രത്യേക മന്ത്രിസഭായോഗം പുതിയ സമ്മേളന തീയതി തീരുമാനിച്ച് ഗവര്ണറോട് ശുപാര്ശ ചെയ്യുകയും ചെയ്യും. നയപ്രഖ്യാപനത്തിലെ വിവരങ്ങള് ക്രോഡീകരിക്കാനായി നേരത്തേ അഡിഷണല് ചീഫ്സെക്രട്ടറി ശാരദ മുരളീധരനെ മന്ത്രിസഭ ചുമതലപ്പെടുത്തിയിട്ടുണ്ടായിരുന്നു. നയപ്രഖ്യാപനത്തിന്റെ കരട് തയ്യാറാക്കാനുള്ള മന്ത്രിസഭാ ഉപസമിതിയെ ഇന്ന് നിശ്ചയിക്കും..
"
https://www.facebook.com/Malayalivartha
