കോട്ടയം സംക്രാന്തിയിലെ ഹോട്ടൽ പാർക്കിൽ നിന്നും അൽഫാം കഴിച്ചതിനെ തുടർന്ന് ഭക്ഷ്യവിഷബാധയേറ്റത് സംബന്ധിച്ച് പരാതികള്‍ വർദ്ധിക്കുന്നതായി ഗാന്ധിനഗർ പോലീസ്. നേരിട്ടെത്തുന്നത് കൂടാതെ ഫോണ്‍ വഴിയും ഗാന്ധിനഗര്‍ പൊലീസ് സ്റ്റേഷനില്‍ പരാതിയെത്തുന്നുണ്ട്.

ഭക്ഷ്യ വിഷബാധയെ സംബന്ധിച്ച്‌ ഇതുവരെ ആറ് പരാതികളാണ് വന്നിട്ടുള്ളതെന്നും അതിൽ ഒരെണ്ണം മാത്രമാണ് കേസ് എടുത്ത് അന്വേഷണം നടത്തുന്നതെന്നും പോലീസ് പറഞ്ഞു . യാത്രക്കിടയില്‍ മലപ്പുറം കുഴി മന്തിയിൽ നിന്ന അൽഫാം കഴിച്ച് ശാരീരിക ബുദ്ധിമുട്ട് അനുഭവപ്പെട്ട ബാംഗ്ലൂരില്‍ താമസിക്കുന്ന കോഴിക്കോട് സ്വദേശികള്‍ ഫോണ്‍ മുഖാന്തിരമാണ് പരാതി അറിയിച്ചതെ ന്ന് പോലീസ് പറഞ്ഞു.

ഭക്ഷ്യവിഷബാധയുമായി ബന്ധപ്പെട്ട് സ്വകാര്യആശുപത്രികളായ കിംസ് -18 , കാരിത്താസ് - 08 , അയ്മനം ഗ്രേയ്‌സ് -03 എന്നിങ്ങനെ 29 പേര്‍ ചികിത്സ തേടിയിരുന്നു. ഇതേ ഹോട്ടലിൽ നിന്ന് അൽഫാം കഴിച്ച്‌ ഭക്ഷ്യവിഷബാധയേറ്റതിെനെ തുടർന്ന്കിoസ് ആശുപത്രിയിൽ ചികിത്സയിൽ കഴിഞ്ഞിരുന്ന കുമാരനല്ലൂർ ഉമ്പുകാട്ട് രാജേഷ് (43) നെ കോട്ടയം മെഡിക്കൽകോളജിൽപ്രവേശിപ്പിച്ചു.ഇന്നലെ ആരോഗ്യ നിലമോശമായതിനെ തുടർന്ന് ഡയാലിസിസിന് വിധേയമാക്കി.