സന്തോഷ് ട്രോഫിയില്‍ കരുത്തരായ മിസോറാമിനെ ഒന്നിനെതിരെ അഞ്ച് ഗോളുകള്‍ക്ക് തോല്‍പ്പിച്ച് ആധികാരികമായി അടുത്ത് റൗണ്ട് ഉറപ്പിച്ചിരിക്കുകയാണ് കേരള താരങ്ങൾ. സന്തോഷ വാർത്തയ്ക്കു പിന്നാലെ താരങ്ങളെ സങ്കടത്തിലാഴ്ത്തി ടീമിലെ പ്രധാന താരം റിസ്വാന്റെ പിതാവിന്റെ വിയോഗം. വി പി മുഹമ്മദ് അലിയുടെ മരണവിവരം വിജയാഘോഷത്തിനിടയിലാണ് താരങ്ങള്‍ അറിഞ്ഞത്.

അതേസമയം റിസ്വാന്റെ ഫുട്‌ബോള്‍ കരിയറിലെ സുപ്രധാനമായ വ്യക്തിയായിരുന്നു പിതാവ് മുഹമ്മദ് അലി. റിസ്വാന്റെ പിതാവിന്റെ വിയോഗത്തില്‍ കേരള ഫുട്‌ബോള്‍ അസോസിയേഷനും താരങ്ങളും അനുശോചനം രേഖപ്പെടുത്തുകയുണ്ടായി. അതോടൊപ്പം തന്നെ മത്സരത്തില്‍ കേരളം ആധികാരികമായാണ് വിജയം നേടിയത്. ഗ്രൂപ്പില്‍ ഒന്നാം സ്ഥാനക്കാരായി തന്നെയാണ് കേരളം അടുത്ത റൗണ്ടിലേക്ക് യോഗ്യത നേടിയിരിക്കുന്നത്.