മറ്റ് വാഹന ഡ്രൈവര്മാരുടെയും കാല്നടക്കാരുടെയും ശ്രദ്ധ തിരിക്കും വിധം പരസ്യം പതിക്കില്ലെന്ന ഉറപ്പ് സ്വീകരിച്ച സുപ്രീംകോടതി, ബസില് പരസ്യം നിരോധിച്ചുള്ള ഹൈക്കോടതി ഉത്തരവ് മരവിപ്പിച്ചു
മറ്റ് വാഹന ഡ്രൈവര്മാരുടെയും കാല്നടക്കാരുടെയും ശ്രദ്ധ തിരിക്കും വിധം പരസ്യം പതിക്കില്ലെന്ന ഉറപ്പ് സ്വീകരിച്ച സുപ്രീംകോടതി, ബസില് പരസ്യം നിരോധിച്ചുള്ള ഹൈക്കോടതി ഉത്തരവ് മരവിപ്പിച്ചു.
ബസിന്റെ വശങ്ങളിലും പിന്ഭാഗത്തും മാത്രമേ പരസ്യം പതിക്കൂവെന്നും സുപ്രീംകോടതി നിര്ദ്ദേശപ്രകാരം സമര്പ്പിച്ച സ്കീമില് പറയുന്നു. നഷ്ടത്തില് നട്ടംതിരിയുന്ന ട്രാന്സ്പോര്ട്ട് കോര്പ്പറേഷന്റെ സര്വീസിതര വരുമാനമാര്ഗ്ഗമാണ് ബസിലെ പരസ്യം.
എന്നാല്, സ്വകാര്യ ബസുകളുടെ രൂപമാറ്റം വിലക്കണമെന്ന ഹര്ജികള് പരിഗണിക്കെ കെ.എസ്.ആര്.ടി.സി ബസുകളിലെ പരസ്യത്തിനും ഹൈക്കോടതി വിലക്കേര്പ്പെടുത്തി. ഇതിനെതിരെ കോര്പ്പറേഷന് സുപ്രീംകോടതിയെ സമീപിച്ചു.
പുതിയ സ്കീം സംബന്ധിച്ച് സംസ്ഥാന സര്ക്കാരിന്റെ റിപ്പോര്ട്ട് തേടി കോടതി നോട്ടീസ് അയയ്ക്കുകയും റിപ്പോര്ട്ട് ലഭിക്കും വരെ ഹൈക്കോടതി വിലക്ക് മരവിപ്പിക്കുന്നതായി ജസ്റ്റിസ് സൂര്യകാന്ത്, ജസ്റ്റിസ് ജെ.കെ. മഹേശ്വരി എന്നിവരടങ്ങിയ ബെഞ്ചിന്റെ ഉത്തരവില് പറയുന്നു. അന്തിമ വിധി ആ റിപ്പോര്ട്ട് കൂടി പരിഗണിച്ചാവും.
"
https://www.facebook.com/Malayalivartha
