മാംസാഹാരം അശുദ്ധിയാണെന്നും സസ്യാഹാരം ശുദ്ധമാണെന്നും കരുതി മാംസാഹാരത്തെ ഔദ്യോഗിക പരിപാടികളിൽ നിന്ന് അകറ്റി നിർത്തുന്നത് ജാതീയതയാണ്. ജാതി മേധാവിത്വം പ്രവർത്തിക്കുന്നത് ഇത് പോലെ സൂക്ഷ്മതലത്തിലാണ് തുറന്നടിച്ച് ഫാത്തിമ താഹിലിയ. ഫേസ്ബുക് കുറിപ്പിന്റെ പൂർണ്ണ രൂപം ഇങ്ങനെ;

കലോൽസവത്തിൽ മാംസ ഭക്ഷണം വിളമ്പുമെന്ന മന്ത്രി ശിവൻകുട്ടിയുടെ പ്രസ്താവന സർവാത്മനാ സ്വാഗതം ചെയ്യുന്നു. സസ്യാഹാരം കഴിക്കണോ മാംസാഹാരം കഴിക്കണോ എന്നത് ഓരോ വ്യക്തിയുടെയും സ്വാതന്ത്ര്യമാണ്. എന്നാൽ മാംസാഹാരം അശുദ്ധിയാണെന്നും സസ്യാഹാരം ശുദ്ധമാണെന്നും കരുതി മാംസാഹാരത്തെ ഔദ്യോഗിക പരിപാടികളിൽ നിന്ന് അകറ്റി നിർത്തുന്നത് ജാതീയതയാണ്. ഇതൊക്കെ വിവാദമാക്കണോ എന്ന ചോദിക്കുന്നവരുണ്ട്. ജാതി മേധാവിത്വം പ്രവർത്തിക്കുന്നത് ഇത് പോലെ സൂക്ഷ്മതലത്തിലാണ് എന്നാണ് അവരോട് പറയാനുള്ളത്.