സിപിഎമ്മില് അച്ചടക്കനടപടി... ലഹരികടത്തുമായി ബന്ധപ്പെട്ട് ആലപ്പുഴ നോര്ത്ത് ഏരിയ കമ്മിറ്റിയംഗം ഷാനവാസിനെ സി.പി.എം സസ്പെന്ഡ് ചെയ്തു
കരുനാഗപ്പള്ളിയില് കോടികളുടെ ലഹരികടത്തുമായി ബന്ധപ്പെട്ട് ആലപ്പുഴ നോര്ത്ത് ഏരിയ കമ്മിറ്റിയംഗം ഷാനവാസിനെ സി.പി.എം സസ്പെന്ഡ് ചെയ്തു. കേസിലെ മുഖ്യപ്രതി ഇജാസിനെ സി.പി.എം പുറത്താക്കി. ആലപ്പുഴ സീവ്യൂ വാര്ഡ് പടിഞ്ഞാറ് ബ്രാഞ്ച് അംഗമാണ്് ഇജാസ്. ആലപ്പുഴയില് മന്ത്രി സജി ചെറിയാന്റെ നേതൃത്വത്തില് നടന്ന ജില്ലാ സെക്രട്ടേറിയേറ്റ് യോഗമാണ് അച്ചടക്കനടപടി സ്വീകരിച്ചത്. ഷാനവാസിനെതിരായ ആരോപണങ്ങള് അന്വേഷിക്കാന് കമ്മിഷനെ വച്ചു. ആരോപണ വിധേയനായ കൗണ്സിലര് എ ഷാനവാസിന്റെ പിറന്നാള് ആഘോഷത്തില് പാര്ട്ടിയിലെ യുവനേതാക്കള്ക്കൊപ്പം ഇജാസ് പങ്കെടുത്തതിന്റെ ദൃശ്യങ്ങള് പുറത്ത് വന്നിരുന്നു.
ഷാനവാസിനെ യോഗം നടന്ന ഓഫിസിലേക്ക് വിളിച്ചുവരുത്തിയാണ് വിശദീകരണം തേടിയത്. പാര്ട്ടിക്ക് അവമതിപ്പുണ്ടാക്കിയ സാഹചര്യം ഗൗരവമായി ചര്ച്ചചെയ്തെന്നും ഇത്തരം വിഷയങ്ങള് വച്ച് പൊറുപ്പിക്കില്ലെന്നും യോഗത്തിന് ശേഷം സജി ചെറിയാന് പറഞ്ഞു. പാര്ട്ടിയുടെ ഏത് തീരുമാനവും അംഗീകരിക്കുമെന്ന് ഷാനവാസും പ്രതികരിച്ചു. കൂടുതല് പേര്ക്ക് പങ്കുണ്ടോയെന്ന് അന്വേഷിക്കുമെന്ന് ജില്ലാ സെക്രട്ടറി ആര്.നാസര് പറഞ്ഞു.
കേസിലെ മറ്റൊരു പ്രതിയായ വെള്ളക്കിണര് സ്വദേശി സജാദ് ഡിവൈഎഫ്ഐ വലിയമരം യൂണിറ്റ് സെക്രട്ടറിയാണ്. ഇജാസ് നേരത്തെ ഡിവൈഎഫ്ഐ തുമ്പോളി മേഖലാ ഭാരവാഹിയായിരുന്നു. കഴിഞ്ഞ ഒക്ടോബറിലും ഇജാസ് ആലപ്പുഴയില് ലഹരികടത്തുകേസില് പിടിയിലായതാണ്. കേസിലെ മുഖ്യപ്രതികളായ ഇജാസും സജാദും പിടിയിലായതോടെ ആലപ്പുഴയിലെ സിപിഎം നേതാക്കളും പങ്കും സംശയത്തിലായി. ആലപ്പുഴ നഗരസഭാ ക്ഷേമകാര്യ സ്ഥിരം സമിതി അധ്യക്ഷനും സിപിഎം നോര്ത്ത് ഏരിയാ കമ്മിറ്റി അംഗവുമായ എ ഷാനവാസിനും ലഹരികടത്തുമായി ബന്ധമുണ്ടോയെന്ന സംശയം ഇന്നലെ പുറത്തു വന്നിരുന്നു. ഷാനവാസിന്റെ ലോറിയിലാണ് കരുനാഗപ്പളളിയിലേക്ക് ലഹരിവസ്തുക്കള് എത്തിച്ചത്.
ഇജാസും ഷാനവാസും ഒരാഴ്ച മുന്പ് ഷാനവാസിന്റെ പിറന്നാള് ആഘോഷത്തില് പങ്കെടുത്തതിന്റെ ദ്യശ്യവും ചിത്രവും പുറത്തുവന്നിരുന്നു. തെറ്റായ പ്രവൃത്തിയുണ്ടെങ്കില് നടപടിയെടുക്കുമെന്ന് സിപിഎം ആലപ്പുഴ ജില്ലാ സെക്രട്ടറി വ്യക്തമാക്കിയിരുന്നു. ഒരുകോടി രൂപയുടെ ഒന്നേകാല് ലക്ഷം നിരോധിത പാന് മസാല പായ്ക്കറ്റുകളാണ് ഞായര് പുലര്ച്ചെ കരുനാഗപ്പള്ളിയില് പൊലീസ് പിടികൂടിയത്. കേസില് നാലു പേരാണ് ഇതിനോടകം അറസ്റ്റിലായത്.
രണ്ട് ലോറികളിലായി കടത്തിയ ഒന്നേകാല് ലക്ഷം പാന്മസാല പാക്കറ്റുകളാണ് പിടിച്ചെടുത്തത്. ലോറി ഡ്രൈവര് തൊടിയൂര് സ്വദേശി തൈസീഫിനെ പൊലീസ് അറസ്റ്റ് ചെയ്തു. രണ്ടാമത്തെ ലോറിയുടെ െ്രെഡവര് സംഭവസ്ഥലത്ത് നിന്ന് രക്ഷപ്പെട്ടു. സവാള ചാക്കുകള്ക്കടിയില് ഒളിപ്പിച്ച നിലയിലായിരുന്നു പാന് മസാല പാക്കറ്റുകള്. 98 ചാക്കുകളിലായി 1,27, 410 പാക്ക് നിരോധിത പാന് മസാല പാക്കറ്റുകളാണ് ലോറിയില് ഉണ്ടായിരുന്നതെന്ന് പൊലീസ് പറഞ്ഞു.
തമിഴ്നാട്ടില് നിന്നാണ് ലഹരിവസ്തുക്കള് കേരളത്തിലെത്തിച്ചതെന്ന് പൊലീസ് പറഞ്ഞു. അതിര്ത്തി ചെക്ക് പോസ്റ്റ് കടന്ന് ലോറി എങ്ങനെ കേരളത്തിലെത്തിയതെന്ന് ഉള്പ്പടെ വിശദമായി അന്വേഷിക്കുമെന്ന് പൊലീസ് പറഞ്ഞു. പിടിയിലായ ഡ്രൈവര് ചോദ്യങ്ങള്ക്ക് കൃത്യമായി മറുപടി നല്കുന്നില്ലെന്നും പൊലിസ് പറഞ്ഞു. കോടികളുടെ ലഹരിക്കടത്തായതിനാല് ഇതില് വലിയ കണ്ണികളുണ്ടെന്നാണ് പൊലീസിന്റെ നിഗമനം.
https://www.facebook.com/Malayalivartha
