ജനങ്ങള്ക്ക് ജീവിതച്ചെലവേറും..... സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധികളില് നിന്ന് കരകയറാനായി ഇത്തവണ ബഡ്ജറ്റില് വിവിധ സേവന നിരക്കുകളും ജി.എസ്.ടിയില് പെടാത്ത ചില മേഖലകളിലെ നികുതിയും വര്ദ്ധിപ്പിച്ചേക്കും, ഭൂമിയുടെ ന്യായവില പരിഷ്ക്കരിച്ച് വന് വരുമാന വര്ദ്ധന ലക്ഷ്യമിടുന്നു, ബഡ്ജറ്റ് ഫെബ്രുവരി മൂന്നിന്
ജനങ്ങള്ക്ക് ജീവിതച്ചെലവേറും..... സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധികളില് നിന്ന് കരകയറാനായി ഇത്തവണ ബഡ്ജറ്റില് വിവിധ സേവന നിരക്കുകളും ജി.എസ്.ടിയില് പെടാത്ത ചില മേഖലകളിലെ നികുതിയും വര്ദ്ധിപ്പിച്ചേക്കും, ഭൂമിയുടെ ന്യായവില പരിഷ്ക്കരിച്ച് വന് വരുമാന വര്ദ്ധന ലക്ഷ്യമിടുന്നു, ബഡ്ജറ്റ് ഫെബ്രുവരി മൂന്നിന്
വില്ലേജ്, താലൂക്ക്,തദ്ദേശ സ്ഥാപനങ്ങളിലെ വിവിധ സേവന- സര്ട്ടിഫിക്കറ്റ് നിരക്കുകള്, സ്റ്റാമ്പ് ഡ്യൂട്ടി, പ്രൊഫഷണല് ടാക്സ്, ഭൂമിയുടെ ന്യായവില,പോക്കുവരവ് ഫീസ് തുടങ്ങിയവയിലെല്ലാം വര്ദ്ധന വന്നേക്കും. ജനങ്ങള്ക്ക് അധികഭാരം നല്കുന്നതാണ് ഇതെല്ലാം. ബഡജ്റ്റ് അല്പം കടുത്തതാകുമെന്ന് ധനമന്ത്രി കെ.എന്.ബാലഗോപാല് സൂചിപ്പിച്ചു.
നികുതി പിരിവ് കാര്യക്ഷമമാക്കാനും നടപടിയുണ്ടാകും. 30 വര്ഷം മുമ്പ് പരിഷ്കരിച്ച പ്രൊഫഷണല് ടാക്സ് നിരക്കിലും സ്ലാബിലും കാലാനുസൃത മാറ്റം വരുത്താനാണ് നീക്കമുള്ളത്.
ഇത് വര്ദ്ധിപ്പിക്കണമെന്ന് മുന് ചീഫ് സെക്രട്ടറി വിജയാനന്ദ് അദ്ധ്യക്ഷനായ ധനകാര്യകമ്മിഷന് ശുപാര്ശ ചെയ്തിരുന്നു. തദ്ദേശ സ്ഥാപനങ്ങളുടെ പ്രധാന വരുമാന സ്രോതസാണിത്.
12,000 രൂപയ്ക്കുമേല് മാസവരുമാനമുള്ളവര്ക്ക് ആറുമാസത്തിലൊരിക്കല് ഒരു ശതമാനമാണ് ടാക്സ്. തദ്ദേശ സ്ഥാപനങ്ങളുടെ വരുമാനം കൂട്ടാനായാല് അവയ്ക്ക് നല്കുന്ന ഗ്രാന്റും പദ്ധതി വിഹിതവും സര്ക്കാര് ചെലവില് നിന്ന് കുറയ്ക്കാനാകുമെന്നതാണ് നേട്ടം.
അതേസമയം അടുത്ത വര്ഷം മുതല് തുടര്ച്ചയായി തെരഞ്ഞെടുപ്പുകള് വരുന്നതിനാല് ജനങ്ങള്ക്ക്ു മേല് അധികഭാരം അടിച്ചേല്പ്പിക്കുന്ന തരത്തിലുള്ള നികുതി വര്ദ്ധനകള് വരുത്താന് സംസ്ഥാന സര്ക്കാരിനു കഴിയില്ല.അടുത്ത മൂന്നു വര്ഷങ്ങള് തുടര്ച്ചയായി തെരഞ്ഞെടുപ്പു വര്ഷങ്ങളാണ്.
https://www.facebook.com/Malayalivartha
