ഇ എസ് ഐ വിഹിതം അടക്കാത്ത കവടിയാര് വണ് റൂഫ് അസൈന്മെന്റ്സ് സ്ഥാപന ഉടമകള്ക്ക് കോടതി പിഴ ശിക്ഷ വിധിച്ചു...കോടതിയില് ഹാജരായ പ്രതികള് കുറ്റ സമ്മതം നടത്തി തടവു ശിക്ഷ ഒഴിവാക്കണമെന്നാവശ്യപ്പട്ടും മേലില് ആവര്ത്തിക്കില്ലെന്നും ബോധിപ്പിച്ച് സമര്പ്പിച്ച കുറ്റസമ്മത ഹര്ജിയിലാണ് കോടതി ഉത്തരവ്
19 JANUARY 2023 02:04 PM IST
മലയാളി വാര്ത്ത
കോടതിയില് ഹാജരായ പ്രതികള് കുറ്റ സമ്മതം നടത്തി തടവു ശിക്ഷ ഒഴിവാക്കണമെന്നാവശ്യപ്പട്ടും മേലില് ആവര്ത്തിക്കില്ലെന്നും ബോധിപ്പിച്ച് സമര്പ്പിച്ച കുറ്റസമ്മത ഹര്ജിയിലാണ് കോടതി ഉത്തരവ്. സ്ഥാപന എം ഡി അടക്കം 4 പ്രതികള്ക്കാണ് കോടതി 12,000 രൂപ വീതം പിഴയിട്ടത്
തൊഴിലാളികളുടെയും മുതലാളിയുടെയും ഇ എസ് ഐ വിഹിതമായ19,548 രൂപ മുതലാളിമാര് അടച്ചില്ലെന്നാണ് കേസ്.
2011-13 കാലയളവിലാണ് കേസിനാസ്പദമായ സംഭവം നടന്നത്. തൊഴിലാളികളുടെയും മുതലാളിയുടെയും സ്റ്റേറ്റ് ഇന്ഷുറന്സ് വിഹിത രൂപ അടക്കാതെയും ഇ എസ് ഐ വിഹിത റിട്ടേണ്സ് സമര്പ്പിക്കാതെയും ശിക്ഷാര്ഹമായ കുറ്റം ചെയ്തുവെന്നാണ് കേസ്.
1948 ല് നിലവില് വന്ന ഇ എസ് ഐ നിയമത്തിലെ 85 (എ) (ഇഎസ്ഐ വിഹിതം അടക്കാതിരിക്കല്) , 85 (ഇ) (റിട്ടേണ്സ് സമര്പ്പിക്കാതിരിക്കല്) എന്നീ വകുപ്പുകള് പ്രകാരമാണ് കോടതി കേസെടുത്തത്. കുറ്റ സ്ഥാപനത്തില് വകുപ്പ് 85 (എ) പ്രകാരം മൂന്നു വര്ഷം വരെ തടവും 10,000 രൂപ പിഴയും ശിക്ഷ വിധിക്കാവുന്നതാണ്. കൂടാതെ കുറ്റ സ്ഥാപനത്തില് 85 (ഇ) പ്രകാരം ഒരു വര്ഷം വരെ തടവോ 4,000 രൂപ വരെ ആകാവുന്ന പിഴയോ രണ്ടും കൂടിയോ ചേര്ത്ത് ശിക്ഷ വിധിക്കാവുന്നതാണ്.
"o
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
