അതിശക്തമായ ന്യൂനമർദ്ദം! കേരളത്തെ ചുഴറ്റിയെറിയും! ജാഗ്രതാ മുന്നറിയിപ്പ്... ബംഗാള് ഉള്ക്കടലില് തീവ്ര ന്യൂനമര്ദ്ദം
ഈ വര്ഷത്തെ ആദ്യത്തെ ന്യൂനമര്ദം ബംഗാള് ഉള്ക്കടലില് രൂപമെടുത്തു. ഇതിന്റെ സ്വാധീനത്തില് 30 മുതല് കേരളത്തില് ഒറ്റപ്പെട്ട മഴയ്ക്കും ഒന്നു മുതല് പരക്കെ ശക്തിയേറിയ മഴയ്ക്കും സാധ്യതയെന്നു കാലാവസ്ഥാ ഗവേഷകര് അറിയിച്ചു. തെക്ക് കിഴക്കന് ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ശക്തമായതോടെ കേരളത്തില് ഒറ്റപ്പെട്ട മഴയ്ക്ക് സാധ്യതയുള്ളതായി മുന്നറിയിപ്പ്.
വടക്ക് പടിഞ്ഞാറു ദിശയില് സഞ്ചാരിക്കുന്ന ന്യൂനമര്ദ്ദം തെക്ക് പടിഞ്ഞാറ് ദിശയിലൂടെ ഫെബ്രുവരി ഒന്നോടെ ശ്രീലങ്കതീരത്തു പ്രവേശിക്കുമെന്നാണ് മുന്നറിയിപ്പ്. ന്യൂനമര്ദ്ദം ശക്തമായതോടെ മധ്യ തെക്കന് കേരളത്തില് ഒറ്റപെട്ട മഴ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്.
ചൊവ്വാഴ്ച മുതല് വ്യാഴാഴ്ച വരെ തെക്ക് പടിഞ്ഞാറന് ബംഗാള് ഉള്ക്കടല്, തെക്ക് തമിഴ്നാട് തീരം, ഗള്ഫ് ഓഫ് മാന്നാര്, കന്യകുമാരി തീരം, ശ്രീലങ്കന് തീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെ വേഗതയിലും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
ഏതാനും ദിവസം മുമ്പു രൂപമെടുത്ത ചക്രവാതച്ചുഴിയാണ് ശക്തിപ്രാപിച്ചു ന്യൂനമര്ദമായി മാറിയത്. തെക്കുകിഴക്കന് ബംഗാള് ഉള്ക്കടലില് ഭൂമധ്യരേഖയോടു ചേര്ന്നു രൂപമെടുത്ത ന്യൂനമര്ദം വടക്കുപടിഞ്ഞാറന്ദിശയില് സഞ്ചരിച്ച് രണ്ടു ദിവസത്തിനുള്ളില് ശ്രീലങ്കയുടെ തെക്കുപടിഞ്ഞാറന് തീരത്തിന് അടുത്തെത്തും.
ഈ ദിവസങ്ങളില് മത്സ്യബന്ധനത്തിന് പോകരുതെന്നും കാലാവസ്ഥാ നിരീക്ഷ കേന്ദ്രം മുന്നറിയിപ്പ് നല്കിയിട്ടുണ്ട്. ജനുവരി 30, 31 തിയതികളില് ന്യൂനമര്ദ്ദം ശ്രീലങ്കന് തീരത്തേക്ക് നീങ്ങാന് സാധ്യതയുണ്ട്. ഈ മാസം അവസാനവും ഫെബ്രുവരി ആദ്യവും തെക്കന് കേരളത്തില് മഴയ്ക്ക് സാധ്യതയുണ്ട് എന്നാണ് അറിയിപ്പ്. മത്സ്യത്തൊഴിലാളി ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. കേരള-കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
30-01-2023: ശ്രീലങ്കൻ തീരത്തോട് ചേർന്നുള്ള തെക്കൻ ബംഗാൾ ഉൾക്കടലിൻറെ മധ്യ ഭാഗങ്ങളിൽ മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളിൽ 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത. ഈ പറഞ്ഞ പ്രദേശങ്ങളിൽ മുന്നറിയിപ്പുള്ള തീയതികളിൽ മത്സ്യബന്ധനത്തിന് പോകാന് പാടുള്ളതല്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്ക്കടലില് ആഗോള മഴപ്പാത്തിയായ എം.ജെ.ഒ. (മാഡന് ജൂലിയന് ഓസിലേഷന്)യുടെ സാന്നിധ്യം ശക്തമായതുകൊണ്ട് ന്യൂനമര്ദം ശക്തമാകാന് സാധ്യതയുണ്ടെന്നാണു നിഗമനം. ദക്ഷിണ-മധ്യ കേരളത്തിലും തമിഴ്നാട്ടിലും മഴ ശക്തമായേക്കും.
https://www.facebook.com/Malayalivartha
