സെലിബ്രിറ്റികള്‍ ഒരിക്കലും അവരുടെ ഉള്ള് തുറന്ന് പുറത്തുകാട്ടാറില്ല. സങ്കടങ്ങളും വേദനകളും ജനങ്ങള്‍ക്കു മുന്നില്‍ കാണിക്കാന്‍ പറ്റില്ല. അപ്പോള്‍ അറിയാതെതന്നെ മുഖംമൂടി എടുത്തണിയും. വളരെ സന്തോഷത്തോടെ ചിരിക്കുന്ന ഒരു മുഖം. ആ മുഖവും നല്ല പെരുമാറ്റവും ഒക്കെത്തന്നെയാണ് ജനം ആഗ്രഹിക്കുന്നത്. അങ്ങനെയൊരു മുഖംമൂടിയൊന്നും ഇല്ലാതെ ഒരു സാധാരണ പെണ്‍കുട്ടിക്ക് കിട്ടുന്ന എല്ലാ സ്വാതന്ത്ര്യവും ആസ്വദിച്ച്... ഒരു നിമിഷമെങ്കിലും ജീവിക്കാന്‍ തോന്നുന്നെന്ന് കാവ്യാമാധവന്‍ പറഞ്ഞു.

തുടര്‍ച്ചയായുള്ള ഷൂട്ടിങ്ങിനിടെ പലപ്പോഴും മടുപ്പ് തോന്നിയിട്ടുണ്ട്. സിനിമയില്‍ വന്നിട്ട് പേരും പ്രശസ്തിയും പണവും എല്ലാം കിട്ടി. പക്ഷേ അതിനൊരു മറുപുറമുണ്ട്. അതേ പറ്റി സാധാരണ ജനം ആലോചിക്കാറില്ല. വിവാഹമോചനം നേടിയ ശേഷം പലതും ചിന്തിച്ച് കൂട്ടിയിട്ടുണ്ട് താരം. അന്തസ്സോടെ ജോലിയെടുത്ത് മക്കളെ പോറ്റുന്ന സ്ത്രീകളെ താരത്തിനറിയാം. ആരു ചോദിച്ചാലും ഡിവോസിയാണെന്നും മക്കള്‍ ഉണ്ടെന്നും പറയാന്‍ അവര്‍ക്കൊരു പേടിയും ഇല്ല. അതേസമയം വിവാഹ മോചനം നേടിയ ശേഷം ഭര്‍ത്താവ് അണിയിച്ച മോതിരവും താലിയും അഴിച്ചു മാറ്റാന്‍ വരെ മടിക്കുന്ന സ്ത്രീകളെയും അറിയാം.

ഒരു ചേച്ചിയുടെ ഭര്‍ത്താവ് മറ്റൊരു സ്ത്രീയെ വിവാഹം കഴിച്ചു. എന്നിട്ടും എന്താണ് താലിയും മോതിരവും അഴിച്ചു മാറ്റാത്തതെന്ന് ചോദിച്ചു. ഈ സമൂഹത്തില്‍ ജീവിക്കാന്‍ പേടി തോന്നുന്നു എന്നായിരുന്നു അവരുടെ മറുപടി. പുറത്ത് ഇറങ്ങി നടക്കുമ്പോള്‍ അവര്‍ താലിയും മോതിരവും എടുത്തണിയും. വീട്ടിലെത്തിയാല്‍ ഊരിവെയ്ക്കും. താലിയൊരു സംരക്ഷിത വലയമാണെന്ന് അവര്‍ പറയുന്നു. താലി കണ്ടാല്‍ ഒരുത്തനും ശല്യപ്പെടുത്താന്‍ വരില്ലത്രെ. അതവരുടെ വിശ്വാസം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha