കണ്ണീര്ക്കാഴ്ചയായി.... ഒല്ലൂരില് കാര് ഓട്ടോയ്ക്കുമേല് ഇടിച്ചുകയറി ഓട്ടോ യാത്രക്കാരിയായ വീട്ടമ്മ മരിച്ചു...
ഒല്ലൂരില് കാര് ഓട്ടോയ്ക്കുമേല് ഇടിച്ചുകയറി ഓട്ടോ യാത്രക്കാരിയായ വീട്ടമ്മ മരിച്ചു. പെരുവാംകുളങ്ങര പ്രിയദര്ശിനി റോഡില് ചിറ്റിലപ്പിള്ളി റോസി(57)യാണ് മരിച്ചത്.
കൂടെയുണ്ടായിരുന്ന ഭര്ത്താവ് ഫ്രാന്സിസിനും മരുമകള്ക്കും മൂന്നു പേരക്കുട്ടികള്ക്കും ഓട്ടോഡ്രൈവര്ക്കും പരിക്കേറ്റു. ഓട്ടോ ഡ്രൈവര്, കരാഞ്ചിറ സ്വദേശി തോട്ടപ്പള്ളി അജീഷിന്റെ നില ഗുരുതരമാണ്.
കാറിലുണ്ടായിരുന്ന അമലനഗര് സ്വദേശി കുരുതുകുളങ്ങര വീട്ടില് മേരി ഫ്രാന്സിസ് (57), മകന് മെല്വിന് (22) എന്നിവര്ക്കും പരിക്കേറ്റു.
ശനിയാഴ്ച രാത്രി പന്ത്രണ്ടിന് കമ്പനിപ്പടിക്കു സമീപമായിരുന്നു അപകടം ഉണ്ടായത്. ഓട്ടോ പൂര്ണമായി തകര്ന്നനിലയിലാണ്.
തൃശ്ശൂരില് നിന്ന് സെക്കന്ഡ് ഷോ സിനിമ കഴിഞ്ഞ് മടങ്ങുകയായിരുന്നു ഓട്ടോയിലുണ്ടായിരുന്നവര്. ടൗണില് നിന്നാണ് ഓട്ടോ വിളിച്ചത്. കാറിലുള്ളവര് അങ്കമാലിയില് പേയി മടങ്ങുകയായിരുന്നു. ഒല്ലൂര് പോലീസും ആക്ട്സ് പ്രവര്ത്തകരും ചേര്ന്നാണ് പരിക്കേറ്റവരെ ആശുപത്രികളിലെത്തിച്ചത്. റോസിയുടെ ഭര്ത്താവ് ഫ്രാന്സിസ്, പേരക്കുട്ടികളായ ജുവാന, ജെഫാത്ത, മറിയം എന്നിവര് തൃശ്ശൂര് ജൂബിലി മിഷന് ആശുപത്രിയില് ചികിത്സയില് കഴിയുകയാണ്,
https://www.facebook.com/Malayalivartha
