തിരുവനന്തപുരത്ത് ഭ​ർ​തൃ​ഗൃ​ഹ​ത്തി​ൽ ​ഗർഭിണിയായ യു​വ​തി തൂ​ങ്ങി മ​രി​ച്ച സം​ഭ​വ​ത്തി​ൽ നിർണായക വെളിപ്പെടുത്തൽ. ഇരുപത്തിരണ്ടുകാരിയായ ദേ​വി​ക​യു​ടെ മ​ര​ണ​ത്തി​ൽ ദുരൂഹതയുണ്ടെന്ന് അ​ച്ഛ​ൻ ബാ​ബു ന​ൽ​കി​യ പ​രാ​തിയുടെ അടിസ്ഥാനത്തിൽ അ​ന്വേ​ഷ​ണം ന​ട​ത്തി പോലീസ് ഭർ​ത്താ​വി​നെ അ​റ​സ്റ്റ് ചെയ്തിരുന്നു. അ​ട്ട​കു​ള​ങ്ങ​ര ടി.​സി 39/2211, ശ്രീ​വ​ള്ളി​യി​ൽ ഗോ​പീ​കൃ​ഷ്ണ​ൻ (31) ആ​ണ് അ​റ​സ്റ്റി​ലാ​യ​ത്.

ഭാര്യയെ ഗോപീകൃഷ്ണൻ ക്രൂരമായി മർദ്ദിക്കുമായിരുന്നുവെന്നാണ് റിപ്പോർട്ട്.ഗർഭിണിയായിരുന്നപ്പോഴും ഇയാൾ ഭാര്യയെ അടിക്കുമായിരുന്നു. മർദ്ദനത്തിൽ ദേവികയുടെ ഒരു ചെവിയുടെ കേൾവിശക്തി 40 ശതമാനത്തോളം കുറഞ്ഞിരുന്നു. ഗർഭിണി ആയതിനാൽ ശരീര വേദനയ്ക്കുള്ള മരുന്ന് കഴിക്കാനും ദേവികയ്ക്ക് കഴിയുമായിരുന്നില്ല. ക​ഴി​ഞ്ഞ 17-ന് ആണ് ദേ​വി​കയെ ഭർതൃവീട്ടിലെ മുറിക്കുള്ളിൽ മരിച്ച നിലയില്‍ കണ്ടെത്തിയത്. മരിക്കുമ്പോൾ ദേവിക മൂന്ന് മാസം ഗർഭിണി ആയിരുന്നു. 2021ലാ​യി​രു​ന്നു ഗോ​പീ​കൃ​ഷ്ണനുമായി ദേവികയുടെ വി​വാ​ഹം നടന്നത്.