സുബിയുടെ നിര്യാണത്തിലൂടെ ഏറെ ഭാവിയുള്ള ഒരു കലാകാരിയെയാണ് നഷ്ടപ്പെട്ടത്.... നടിയും അവതാരകയുമായ സുബി സുരേഷിന്റെ വിയോഗത്തില് അനുശോചിച്ച് മുഖ്യമന്ത്രി പിണറായി വിജയന്....
നടിയും അവതാരകയുമായ സുബി സുരേഷിന്റെ വിയോഗത്തില് അനുശോചിച്ച് മുഖ്യമന്ത്രി പിണറായി വിജയന്. സുബിയുടെ നിര്യാണത്തിലൂടെ ഏറെ ഭാവിയുള്ള ഒരു കലാകാരിയെയാണ് നഷ്ടപ്പെട്ടതെന്ന് അദ്ദേഹം ഫേസ്ബുക്കില് കുറിച്ചു.
കരള് സംബന്ധമായ അസുഖത്തെ തുടര്ന്ന് ഒരു മാസമായി ചികിത്സയിലായിരുന്ന സുബി ഇന്ന് രാവിലെ 9.30ഓടെ കൊച്ചി രാജഗിരി ആശുപത്രിയിലായിരുന്നു അന്ത്യം.
സിനിമാല എന്ന കോമഡി പരിപാടിയിലൂടെ ശ്രദ്ധേയയായ സുബി, രാജസേനന് സംവിധാനം ചെയ്ത കനക സിംഹാസനത്തിലൂടെയാണ് സിനിമയില് എത്തുന്നത്. എല്സമ്മ എന്ന ആണ്കുട്ടി, പഞ്ചവര്ണ തത്ത, ഡ്രാമ തുടങ്ങിയ ഇരുപതിലധികം സിനിമകളില് വേഷമിട്ടിട്ടുണ്ട്.
മുഖ്യമന്ത്രിയുടെ കുറിപ്പിന്റെ പൂര്ണരൂപനുങ്ങനെ... ചലച്ചിത്ര-ടെലിവിഷന് നടിയും അവതാരകയുമായ സുബി സുരേഷിന്റെ അകാല വിയോഗത്തില് അനുശോചിക്കുന്നു. കൊച്ചിന് കലാഭവനിലൂടെ കലാരംഗത്ത് എത്തിയ സുബി റിയാലിറ്റി ഷോ, ഹാസ്യ പരിപാടികള് എന്നിവയിലൂടെ മലയാളി മനസ്സില് ഇടം നേടി. സുബിയുടെ നിര്യാണത്തിലൂടെ ഏറെ ഭാവിയുള്ള ഒരു കലാകാരിയെയാണ് നഷ്ടപ്പെട്ടത്. അവരുടെ കുടുംബാംഗങ്ങളുടെയും സുഹൃത്തുക്കളുടേയും ദുഃഖത്തില് പങ്കുചേരുന്നു.
"
https://www.facebook.com/Malayalivartha
