വല്ലാത്തൊരു മടക്കയാത്രയായി പോയി ഇത്. ചിരിപ്പിച്ച് ചിരിപ്പിച്ച് ഒടുവില്‍ തീരദു:ഖമായി മണ്‍മറിഞ്ഞ് പോയ കല്പന ചേച്ചിയുടെ അപ്രതീക്ഷിത വിയോഗം പോലെ സുബിയുടെ വിയോഗ വാർത്തയും തീർത്തും അപ്രതീക്ഷിതം. നിഷ്‌കളങ്കമായ നര്‍മ്മത്തിലൂടെ, പൊട്ടിച്ചിരിയിലൂടെ കുട്ടികളുടെയും മുതിർന്നവരുടെയും ഹൃദയത്തിൽ ഇരിപ്പിടം നേടിയ തികഞ്ഞ കലാകാരി. ഹൃദയ ഭേദകമായ കുറിപ്പ് പങ്കു വച്ച് അഞ്ജു പാർവതി പ്രഭീഷ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

വല്ലാത്തൊരു മടക്കയാത്രയായി പോയി ഇത്. ചിരിപ്പിച്ച് ചിരിപ്പിച്ച് ഒടുവില്‍ തീരദു:ഖമായി മണ്‍മറിഞ്ഞ് പോയ കല്പന ചേച്ചിയുടെ അപ്രതീക്ഷിത വിയോഗം പോലെ സുബിയുടെ വിയോഗ വാർത്തയും തീർത്തും അപ്രതീക്ഷിതം. നിഷ്‌കളങ്കമായ നര്‍മ്മത്തിലൂടെ, പൊട്ടിച്ചിരിയിലൂടെ കുട്ടികളുടെയും മുതിർന്നവരുടെയും ഹൃദയത്തിൽ ഇരിപ്പിടം നേടിയ തികഞ്ഞ കലാകാരി. നടിയായും അവതാരകയായും സ്റ്റേജ് ഷോകളിലെ നിറസാന്നിധ്യമായും അരങ്ങിൽ നിറഞ്ഞു നിന്ന പെൺകുട്ടി. പുരുഷന്മാർ കൈയ്യടക്കി വച്ചിരുന്ന മിമിക്രി സ്റ്റേജ് ഷോകളിലെ തിളങ്ങി നിന്ന പെൺമുഖമായിരുന്നു സുബി. ചിരിയുടെ ഫ്രെയിമില്‍ നിന്ന് പെട്ടെന്നൊരു ഇറങ്ങിപ്പോക്കായി പോയി ഇത് !

സുബി എന്ന കലാകാരിയെ വീട്ടകങ്ങൾക്ക് അത്രമേൽ പരിചിതമാക്കിയ കുട്ടിപട്ടാളം. എത്ര വൈബ്രൻ്റ് ആയിട്ടാണ് അവരതിൽ കുട്ടികൾക്കൊപ്പം ആടിപ്പാടി നടക്കുന്നത്. ഇവിടെ നിന്ന് അരങ്ങൊഴിഞ്ഞാലും അകലെയുള്ള ആ ലോകത്തിൽ നേരത്തെ ഇവിടെ നിന്നും മടങ്ങിയ കുട്ടികുരുന്നുകളെ ചിരിപ്പിക്കാൻ സുബി ഉണ്ടാകുമെന്ന് വിശ്വസിക്കാനിഷ്ടം. കാരണം കുരുന്നു മനസ്സുകളെ അത്രമേൽ കൈയ്യിലെടുക്കാനും പൊട്ടിച്ചിരിപ്പിക്കാനും സുബിയോളം കഴിവ് മറ്റാർക്കാണ്? പ്രിയപ്പെട്ടവളേ, വിട