മുഖ്യമന്ത്രിയുടെ ദുരിതാശ്വാസനിധിയില് നടന്ന വ്യാപക തട്ടിപ്പ് നാടിനെ ഞെട്ടിക്കുന്നതിനൊപ്പം ചില ചോദ്യങ്ങള് ഉയര്ത്തുന്നുമുണ്ട്. കേരളത്തെ സംബന്ധിച്ചിടത്തോളം അത്രത്തോളം മൂല്യമുള്ള ഈ നിധിയില് തട്ടിപ്പുകാര് കയ്യിട്ടുവാരിയതിന്റെ കാരണം അതു സൂക്ഷിക്കേണ്ടവരുടെ നോട്ടക്കുറവും അശ്രദ്ധയും നിരുത്തരവാദിത്തവും തന്നെയല്ലേ?
25 FEBRUARY 2023 04:16 PM IST
മലയാളി വാര്ത്ത
വെള്ളപൊക്ക ദുരിതാശ്വാസ ഫണ്ട് വെട്ടിച്ച് സിപിഎമ്മും പാര്ട്ടി സഖാക്കളും തഴച്ചു വളര്ന്നതിന്റെ ഞെട്ടിക്കുന്ന വിവരങ്ങളാണ് ലോകായുക്ത വിധി പറയാനായി മാറ്റി വെച്ചിരിക്കുന്നത്. അതു പോലെ ആയിരം മുതല് കോടികള് വരെ ദുരിതം അനുഭവിക്കുന്നവര്ക്കായി നല്കിയ വിദേശ മലയാളികള് പിണറായിയ്ക്കും ഇടതു പക്ഷത്തിനും വോട്ട് ചെയ്തതില് പശ്ചാതാപം രേഖപ്പെടുത്തി രംഗത്തെത്തിയിരിക്കുകയാണ്. ഇത്രയധികം അഴിമതിയും ധൂര്ത്തും സ്വജനപക്ഷപാതവും നടത്തിയ ഭരണം കേരളം നാളിതുവരെ കണ്ടിട്ടില്ലെന്നാണ് വിദേശ മലയാളികളും പറയുന്നത്. എല്ലാം മാധ്യന സൃഷ്ടിയെന്ന് പറഞ്ഞൊഴിയാന് കഴിയാത്ത തരത്തിലുള്ള തെളിവുകളാണ് വിജിലന്സ് പുറത്തു കൊണ്ടു വന്നരിക്കുന്നത്. ദുരിതാശ്വാസ നിധി തട്ടിപ്പില് സിപഎംന്റെ നേതാക്കളും പ്രവര്ത്തകരും പ്രതികളാകുമെന്ന് വന്നാല് വിജിലന്സിന് മൂക്കുകയറിട്ട് നിറുത്തുമോയെന്നതാണ് ഇപ്പോളത്തെ സംശയം.
സംസ്ഥാന സര്ക്കാരിനെതിരെ ആഞ്ഞടിച്ച് പ്രവാസി വ്യവസായി കെ.ജി. ഏബ്രഹാം രംഗത്തെത്തി. പ്രളയ ദുരിതാശ്വാസത്തിനായി പ്രവാസികളില്നിന്ന് സ്വരൂപിച്ച പണം അര്ഹരില് എത്തിയില്ലെന്നും ഇടതുപക്ഷത്തിന് വോട്ടു ചെയ്തതില് പശ്ചാത്തപിക്കുന്നുവെന്നും കെ.ജി. ഏബ്രഹാം പറയുന്നു.ഇനി രാഷ്ട്രീയ നേതാക്കള്ക്കു സംഭാവന നല്കില്ല. പ്രളയ ദുരിതാശ്വാസത്തിനായി പ്രവാസികളില്നിന്നു സ്വരൂപിച്ച ഫണ്ട് അര്ഹരില് എത്തിയില്ല. രാഷ്ട്രീയക്കാര് പ്രവാസികളെ ചൂഷണം ചെയ്യുകയാണ്. ഇടതുപക്ഷത്തിനു വോട്ട് ചെയ്തതില് പശ്ചാത്താപിക്കുന്നു. പ്രവാസികള് നാട്ടില് നിക്ഷേപിക്കുന്ന പണത്തിന് സുരക്ഷിതത്വമില്ല. അടച്ചിട്ട വീടുകള്ക്ക് അധിക നികുതി ചുമത്തിയത് അഹങ്കാരമാണ്'' പിണറായി സര്ക്കാരിന് വിദേശ മലയാളികളുടേതുള്പ്പടെ വലിയ സഹായ ങ്ങള് ചെയ്തു കൊടുത്തിട്ടുള്ള ആളാണ് കെ.ജി. എബ്രഹാം എന്ന വ്യവസായി.
മുഖ്യമന്ത്രിയുടെ ദുരിതാശ്വാസനിധിയില് നടന്ന വ്യാപക തട്ടിപ്പ് നാടിനെ ഞെട്ടിക്കുന്നതിനൊപ്പം ചില ചോദ്യങ്ങള് ഉയര്ത്തുന്നുമുണ്ട്. കേരളത്തെ സംബന്ധിച്ചിടത്തോളം അത്രത്തോളം മൂല്യമുള്ള ഈ നിധിയില് തട്ടിപ്പുകാര് കയ്യിട്ടുവാരിയതിന്റെ കാരണം അതു സൂക്ഷിക്കേണ്ടവരുടെ നോട്ടക്കുറവും അശ്രദ്ധയും നിരുത്തരവാദിത്തവും തന്നെയല്ലേ? പിണറായി വിജയനും അദ്ദേഹത്തിന്റെ ഓഫീസും സ്വര്ണ്ണക്കടത്ത് , ഡോളര് കടതത് സംഭവങ്ങള് ഒ്ന്നും അറിഞ്ഞില്ലെന്ന് പറഞ്ഞ് കയ്യൊഴിയുംപോലെ ഇത് ഒഴിയാനാകില്ല. കാരണം എല്ലാം ഫയലിലും മുഖ്യമന്ത്രി തന്നെയാണ് ഒപ്പിട്ടിരിക്കുന്നത്.
ദുരിതാശ്വാസനിധിയില് നടന്നതു വന് തട്ടിപ്പാണെന്നു ബോധ്യപ്പെട്ടെന്നും വ്യാപ്തി കണ്ടെത്താന് അപേക്ഷകരുടെ വീടുകളിലും കൂടുതല് റവന്യു ഓഫിസുകളിലും പരിശോധന നടത്തുമെന്നും ഡോക്ടര്മാരെ ചോദ്യം ചെയ്യുമെന്നും വിജിലന്സ് പറയുന്നു. സമര്പ്പിക്കുന്ന മെഡിക്കല്, വരുമാന സര്ട്ടിഫിക്കറ്റുകള് പലതും വ്യാജമെന്നാണു പ്രധാന കണ്ടെത്തല്. സര്ക്കാര് ഉദ്യോഗസ്ഥരും ഡോക്ടര്മാരും ഏജന്റുമാരും ഉള്പ്പെടുന്ന സംഘം തട്ടിപ്പിനു പിന്നില് പ്രവര്ത്തിക്കുന്നതായി സ്ഥിരീകരിച്ചിട്ടുണ്ട്. കാര്യമായ രോഗങ്ങളില്ലാത്തവരും രാഷ്ട്രീയ ശുപാര്ശയുമായി എത്തിയവരും ഉള്പ്പെടെ വ്യാപകമായി സഹായം തട്ടിയതായി കണ്ടെത്തുകയുണ്ടായി. ഒരു ഡോക്ടര് ഒറ്റയടിക്ക് 1500 മെഡിക്കല് സര്ട്ടിഫിക്കറ്റുകള് നല്കിയതായാണു കണ്ടെത്തിയത്.
ദുരിതാശ്വാസനിധിയില്നിന്ന് അനര്ഹര്ക്കു ധനസഹായം ലഭ്യമാക്കാന് ശ്രമിച്ചവര്ക്കും അതിനു കൂട്ടുനിന്നവര്ക്കുമെതിരെ ദാക്ഷിണ്യമില്ലാതെ നടപടി സ്വീകരിക്കുമെന്നു മുഖ്യമന്ത്രി പിണറായി വിജയന് പറയുകയുണ്ടായി.. കൃത്രിമം കാട്ടിയവരെയെല്ലാം നിയമത്തിനു മുന്നില്കൊണ്ടുവരുമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദനും പറയുന്നുണ്ട്.
പിണറായി വിജയനെ കൂടാതെ മുഖ്യമന്ത്രിയുടെ ഓഫീസിലെ പ്രധാന ചുമതലകളിലിരിക്കുന്നവരൊക്കെ സിപിഎ സംസ്ഥാന കമ്മിറ്റി അംഗങ്ങളും അതിന് മുകളിലുള്ളവരുമാണ്. അക്കാദമിക് , ഭരണ രംഗങ്ങളില് മെച്ചപ്പെട്ട കഴിവുള്ളവരെയാണ് സിപിഎം മുഖ്യമന്ത്രിയുടെ പേഴ്സണല് സ്റ്റാഫില് നല്കിയിത്. എന്നിട്ടും ദുരിതാശ്വാസ നിധിയില് നടന്ന തട്ടിപ്പുകള് അറിയാതെ പറ്റിയ പിഴവെന്ന് പറഞ്ഞൊഴിയാനാകില്ല. അങ്ങനെയെങ്കില് ഇത്രയും കഴിവ് കെട്ട സകല വിദ്വാന്മാരെയും മാറ്റി മുഖ്യന് പുതിയ ആള്ക്കാരെ നിയമിക്കുകയാകും ഉചിതം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
