ബ്രഹ്മപുരത്തുണ്ടായ അഗ്നിബാധ... നിയമം അനുസരിക്കാത്ത ആരെയും വെറുതെ വിടരുത്; ഗ്യാസ് ചേമ്പറില് അകപ്പെട്ട അവസ്ഥയിലാണ് കൊച്ചിക്കാര്; ഭാവിയില് ഇത്തരം അപകടങ്ങള് ഉണ്ടാകാതിരിക്കാനാണ് കോടതി ശ്രമിക്കുന്നത്
ബ്രഹ്മപുരം പ്രശ്നനത്തില് എന്ത് നടപടിയാണ് സ്വീകരിക്കുന്നതെന്നും അതെങ്ങനെയാണ് നടപ്പാക്കുന്നതെന്നും വ്യക്തമാക്കി റിപ്പോര്ട്ട് സമര്പിക്കാന് സര്ക്കാരിനോടും കോര്പറേഷനോടും മലിനീകരണ നിയന്ത്രണ ബോര്ഡിനോടും ഹൈക്കോടതി നിര്ദേശം നല്കി. എന്ത് തരത്തില് ഉള്ള ഉത്തരവ് വേണമെങ്കിലും തരാം പക്ഷേ ഉത്തരവാദിത്വപ്പെട്ടവര് കാര്യക്ഷമമായി കാര്യങ്ങള് നടപ്പാക്കണമെന്ന് കോടതി വ്യക്തമാക്കി. നിയമം അനുസരിക്കാത്ത ആരെയും വെറുതെ വിടരുത് എന്ന് കോര്പറേഷന് സെക്രട്ടറിയോട് ഹൈക്കോടതി മുന്നറിയിപ്പ് നല്കി.
തീപിടിത്തത്തിന് ഉത്തരവാദികളായവരെ കണ്ടെത്തി തക്കതായ ശിക്ഷ നല്കുമെന്നും കോടതി വാക്കാല് പരമര്ശിച്ചു. മറുപടി നല്കാന് നാളെവരെ സമയം വേണമെന്ന സംസ്ഥാന സര്ക്കാരിന്റെ ആവശ്യം കോടതി അനുവദിച്ചില്ല.
ബ്രഹ്മപുരത്തുണ്ടായ അഗ്നിബാധ മനുഷ്യനിര്മിതമോ എന്ന ചോദ്യവുമായി ഹൈക്കോടതി. മാലിന്യം വലിച്ചെറിയുന്നതിന് എന്ത് നടപടിയെടുത്തുവെന്നും കോടതി. സിസിടിവി സ്ഥാപിച്ചിട്ടുണ്ടെന്ന് കോര്പറേഷന് മറുപടി നല്കി. ബോധവത്കരണവും നടത്തുന്നുണ്ടെന്ന് കോര്പറേഷന് സെക്രട്ടറി നേരിട്ടെത്തി കോടതിയില് വിശദീകരിച്ചു. മലിനീകരണത്തിന്റെ തോത് കൊച്ചിയില് കൂടുതലാണെന്ന് മലിനീകരണ നിയന്ത്രണ ബോര്ഡ് ചെയര്മാനും ഓണ്ലൈനിലൂടെ ഹാജരായി കോടതിയെ അറിയിച്ചു.
വരുന്ന ജൂണ് ആറിന് മുന്പ് കൊച്ചിയിലെ മാലിന്യ സംസ്കരണുമായി ബന്ധപ്പെട്ട സംവിധാനം കാര്യക്ഷമമാക്കണം. കോടതിയെ സഹായിക്കാന് അമിക്കസ് ക്യൂറിയെ നിയമിക്കാമെന്നും ഹൈക്കോടതി ഡിവിഷന് ബെഞ്ച് വ്യക്തമാക്കി. കൊച്ചിയിലെ ഓരോ ദിവസവും നിര്ണായകമെന്ന് കോടതി വ്യക്തമാക്കിയിരുന്നു.
ഗ്യാസ് ചേമ്പറില് അകപ്പെട്ട അവസ്ഥയിലാണ് കൊച്ചിക്കാര്. ഹൈദരാബാദ്, സെക്കന്തരാബാദ് എന്നീ സ്ഥലങ്ങളില് ഇന്ഡസ്ട്രീസ് ഉണ്ടായിട്ട് പോലും ഈ പറയുന്ന പ്രശ്നങ്ങളില്ല. ഭാവിയില് ഇത്തരം അപകടങ്ങള് ഉണ്ടാകാതിരിക്കാനാണ് കോടതി ശ്രമിക്കുന്നത്. ഇതിനായി എല്ലാവരുടെയും കൂട്ടായ പ്രവര്ത്തനം വേണം. ഹൈകോടതി ജഡ്ജിമാരെല്ലാവരും ജസ്റ്റിസ് ദേവന് രാമചന്ദ്രനെഴുതിയ കത്തിനെ പിന്തുണയ്ക്കുന്നുണ്ട്.
https://www.facebook.com/Malayalivartha
