യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തി. വിളവൂർക്കൽ സ്വദേശിയായ കാവ്യയെയാണ് (30) വീട്ടിനുള്ളിൽ മരിച്ച നിലയിൽ കണ്ടെത്തിയത്.

ഞായറാഴ്ച വൈകുന്നേരം 5.30ഓടെയായിരുന്നു സംഭവം. അവശനിലയിൽ കണ്ടെത്തിയ കാവ്യയെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

എട്ടുവർഷം മുമ്പായിരുന്നു കാവ്യയുടെ വിവാഹം. പ്രണയവിവാഹമായിരുന്നു. രണ്ടും ആറും വയസ്സുള്ള രണ്ട് കുട്ടികളുണ്ട്.

കുട്ടികൾക്ക് ഭക്ഷണം നൽകാനായി മുറിയിലേക്ക് പോയ കാവ്യയെ പിന്നീട് മരിച്ച നിലയിൽ കണ്ടെത്തിയെന്നാണ് സൂചനകളുള്ളത്.മരണകാരണം വ്യക്തമായിട്ടില്ല. സംഭവത്തിൽ മലയിൻകീഴ് പൊലീസ് അന്വേഷണം തുടങ്ങി.