ഹയർസെക്കൻഡറി സപ്ലിമെന്ററി അലോട്ട്‌മെന്റിന് ഇന്ന് മുതൽ അപേക്ഷിക്കാവുന്നതാണ്. മുഖ്യ അലോട്ട്‌മെന്റിൽ സീറ്റ് ലഭിക്കാതിരുന്നവർക്കും ഇതുവരെ അപേക്ഷിക്കാത്തവർക്കും അവസരമുണ്ട്. ഒഴിവുകളും മറ്റു വിവരങ്ങളും ഇന്ന് രാവിലെ ഒമ്പതിന് അഡ്മിഷൻ വെബ്‌സൈറ്റായ https://hscap.kerala.gov.in ൽ പ്രസിദ്ധീകരിക്കുകയും ചെയ്യും.

തെറ്റായ വിവരം നൽകിയതിനെ തുടർന്ന് പ്രവേശനം കിട്ടാതിരുന്നവർക്ക് അപേക്ഷിക്കാവുന്നതാണ്. രാവിലെ 10 മുതൽ ഓൺലൈനായി അപേക്ഷിക്കാനാകും. ഏതെങ്കിലും ക്വാട്ടയിൽ പ്രവേശനം നേടിയവർക്കും അലോട്ട്‌മെന്റ് ലഭിച്ചിട്ട് ഹാരാകാത്തവർക്കും പ്രവേശനം ക്യാൻസൽ ചെയ്തവർക്കും,​ പ്രവേശനം ലഭിച്ച ശേഷം ടി.സി വാങ്ങിയവർക്കും അപേക്ഷിക്കാനായി കഴിയില്ല. വൊക്കേഷണൽ ഹയർസെക്കൻഡറി സപ്ലിമെന്ററി അലോട്ട്‌മെന്റിന് 15 വരെ അപേക്ഷിക്കാവുന്നതാണ്.