കണ്ണീരോടെ... ആലപ്പുഴയില്‍ ് വാഹനാപകടത്തില്‍ സൈനികന് ദാരുണാന്ത്യം. മുതുകുളം വടക്ക് കൊട്ടാരത്തില്‍ വടക്കതില്‍ വിഷ്ണു (32) ആണ് മരിച്ചത്. ബൈക്ക് നിയന്ത്രണം തെറ്റി വൈദ്യുത പോസ്റ്റിലിടിച്ചായിരുന്നു മരണം സംഭവിച്ചത്. കായംകുളം- കാര്‍ത്തികപ്പള്ളി റോഡില്‍ മുരിങ്ങച്ചിറ ജംഗ്ഷന് സമീപം കഴിഞ്ഞദിവസം പുലര്‍ച്ചെ നാലു മണിയോടെയാണ് അപകടമുണ്ടായത്.

എയര്‍ഫോഴ്‌സ് അംബാല യൂണിറ്റിലെ സൈനികനായിരുന്നു വിഷ്ണു. ഒരാഴ്ച മുന്‍പാണ് വിഷ്ണു നാട്ടിലെത്തിയത്. ഭാര്യ: എ.എസ്.ആര്യ. മക്കള്‍ : അവന്തിക, അവനിക. സംസ്‌കാരം ഇന്ന് വൈകിട്ട് മൂന്ന് മണിക്ക് .