ലൈസന്സ് സ്വന്തമാക്കാന് ഇനി എളുപ്പം...ഡ്രൈവിങ് ടെസ്റ്റിന് ഇനി മുതല് ഓട്ടോമാറ്റിക്, ഇലക്ട്രിക് വാഹനങ്ങളും ഉപയോഗിക്കാം....
19 MARCH 2023 12:00 PM IST
മലയാളി വാര്ത്ത
ഡ്രൈവിങ് ടെസ്റ്റിന് ഇനി മുതല് ഓട്ടോമാറ്റിക്, ഇലക്ട്രിക് വാഹനങ്ങളും ഉപയോഗിക്കാനാകും. ഓട്ടോമാറ്റിക് വാഹനങ്ങള് ഡ്രൈവ് ചെയ്താലും ലൈസന്സ് നല്കാന് ട്രാന്സ്പോര്ട്ട് കമീഷണര് ഉത്തരവിട്ടു. ഇത്തരം വാഹനം ഡ്രൈവ് ചെയ്ത് ലഭിക്കുന്ന ലൈസന്സ് ഉപയോഗിച്ച് ഗിയറുള്ള വാഹനങ്ങളും ഓടിക്കാന് കഴിയും.
കാറുകള് മുതല് ട്രാവലര് വരെ 7500 കിലോയില് താഴെ ഭാരമുള്ള ലൈറ്റ് മോട്ടോര് വെഹിക്കിള് വിഭാഗം ലൈസന്സിനാണ് പുതിയ വ്യവസ്ഥ. 2019ലെ സുപ്രീംകോടതി നിര്ദേശത്തെ തുടര്ന്ന് കേന്ദ്രസര്ക്കാര് വ്യവസ്ഥ മാറ്റിയെങ്കിലും കേരളം പഴയ രീതി തന്നെ തുടരുകയായിരുന്നു.
ഓട്ടോമാറ്റിക് വാഹനങ്ങളുമായെത്തുന്നവര്ക്ക് ഡ്രൈവിങ് ടെസ്റ്റില് പങ്കെടുക്കാന് മോട്ടോര് വാഹന വകുപ്പ് ഉദ്യോഗസ്ഥര് അനുമതി നല്കിയിട്ടുണ്ടായിരുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
