മന:പ്രയാസത്തിനൊടുവില് ജീവനൊടുക്കി.... സഹകരണ സംഘത്തിലെ ജോലി വാഗ്ദാനത്തില് വിശ്വസിച്ച് ലക്ഷങ്ങളുടെ തട്ടിപ്പിന് ഇരയായ യുവാവ് ആത്മഹത്യ ചെയ്ത നിലയില്
മന: പ്രയാസത്തിനൊടുവില് ജീവനൊടുക്കി... സഹകരണ സംഘത്തിലെ ജോലി വാഗ്ദാനത്തില് വിശ്വസിച്ച് ലക്ഷങ്ങളുടെ തട്ടിപ്പിന് ഇരയായ യുവാവ് ആത്മഹത്യ ചെയ്ത നിലയില്. പോത്തന്കോട് വാവറ അമ്പലം മംഗലത്തുനട രഞ്ജിത്ത് ഭവനില് രജിത് (38) ആണ് തൂങ്ങി മരിച്ചത്.
ഇന്നലെ ഉച്ചയ്ക്ക് 12 മണിയോടെയാണ് മുറിയ്ക്കുള്ളില് തൂങ്ങിയനിലയില് കണ്ടെത്തിയത്. ആറ്റിങ്ങല് കേരള ട്രഡിഷണല് ഫുഡ് പ്രോസസ്സിംഗ് ആന്ഡ് ഡിസ്ട്രിബ്യൂഷന് ഇന്ഡസ്ട്രിയല് കോ-ഓപ്പറേറ്റീവ് സൊസൈറ്റിയില് ജോലിക്കായാണ് തട്ടിപ്പുകാരുടെ വാഗ്ദാനത്തില് വിശ്വസിച്ച് ഇയാള് പണം നല്കിയത്. ചിറയിന്കീഴ് സ്വദേശി സജിത്ത്കുമാര് ഉള്പ്പെട്ട സംഘമാണ് തട്ടിപ്പ് നടത്തിയത്.
ജോലി വാഗ്ദാനം ചെയ്തു സമീപിച്ച സജിത് കുമാറിന്റ വലയില് കുടുങ്ങിയ രജിത്, പലിശക്കെടുത്തും സ്വര്ണ്ണമടക്കം വിറ്റും 7.8 ലക്ഷം രൂപ ഇയാള്ക്ക് നല്കിയിട്ടുണ്ടായിരുന്നു. രജിത്തിനും ഭാര്യയ്ക്കും സംഘത്തില് ജോലി ഉറപ്പ് പറഞ്ഞാണ് തുക കൈക്കലാക്കിയത്.
എന്നാല് വര്ഷങ്ങള് കഴിഞ്ഞിട്ടും ജോലി ലഭിക്കാതായതോടെ പലവട്ടം പണം തിരികെ ആവശ്യപ്പെട്ടെങ്കിലും സജിത് കുമാര് പണം മടക്കി നല്കിയില്ല. പണം തിരികെ വാങ്ങാനായി പല രീതിയിലും ശ്രമിച്ചിട്ടും നടന്നില്ല. പൊലീസ് സ്റ്റേഷനിലും സഹകരണ സംഘം രജിസ്ട്രാര് ഉള്പ്പെടെയുള്ളവര്ക്കും നിരവധി പരാതികള് നല്കി.
രജിത്തിന്റെ പരാതിയില് തുടക്കത്തില് പൊലിസ് അന്വേഷണം ആരംഭിച്ചെങ്കിലും പിന്നീട് മന്ദഗതിയിലായി. മനോവിഷമത്തിലായ രജിത് വീട്ടില് ആരുമില്ലാതിരുന്ന നേരത്താണ് ആത്മഹത്യ ചെയ്തത്. തൊഴിലുറപ്പിന് പോയിരുന്ന അമ്മ മടങ്ങിവന്ന് വിളിച്ചിട്ടും മുറി തുറക്കാത്തതിനാല് അയല്വാസികളെ അറിയിക്കുകയായിരുന്നു. ആത്മഹത്യാ കുറിപ്പും കണ്ടെത്തി. പോത്തന്കോട് പൊലീസ് ഇന്ക്വസ്റ്റ് നടത്തി മൃതദേഹം മെഡി.കോളേജ് ആശുപത്രി മോര്ച്ചറിയിലേക്ക് മാറ്റി. ഭാര്യയും ഒരു മകനുമുണ്ട്.
"
https://www.facebook.com/Malayalivartha