മദ്യലഹരിയില് കാര് ഓടിച്ച് സ്കൂട്ടറില് ഇടിച്ച് അദ്ധ്യാപിക കൊല്ലപ്പെട്ട പൂജപ്പുര നരഹത്യാ കേസ്... പ്രതി വിനോദ് തമ്പിയെ മെയ് 30ന് ഹാജരാക്കാന് ഉത്തരവ്
27 MARCH 2023 08:16 AM IST
മലയാളി വാര്ത്ത
തിരുവനന്തപുരം ഒന്നാം അഡീ. ജില്ലാ സെഷന്സ് കോടതി ജഡ്ജി കെ. സനില് കുമാറിന്റേതാണുത്തരവ്. കാറോടിച്ചിരുന്ന തിരുമല മുടവന്മുകള് നല്ലത്ത് റോഷ്നി ഭവനില് വിനോദ് കുമാറെന്ന വിനോദ് തമ്പി (40) യെ പൂജപ്പുര സര്ക്കിള് ഇന്സ്പെക്ടറാണ് ഹാജരാക്കേണ്ടത്.
2018 നവംബര് രാത്രി 7.30 നാണ് അപകടം നടന്നത്. പൂജപ്പുര തൃക്കണ്ണാപുരം ടാഗോര് റോഡില് പുണര്തം വീട്ടില് സജുവിന്റെ ഭാര്യ മങ്കാട്ടുകടവ് വിശ്വപ്രകാശം സ്കൂള് അദ്ധ്യാപിക പത്മ പ്രിയയാണ് (39) മരിച്ചത്. ഒപ്പമുണ്ടായിരുന്ന മകള് ഗാഥ (14) കരമന പി.ആര്.എസ് ആശുപത്രിയില് ചികിത്സയിലായിരുന്നു.
പത്മപ്രിയ സ്കൂളില് നിന്ന് വന്നശേഷം ബന്ധുവീട്ടിലായിരുന്ന മകളെ കൂട്ടിക്കൊണ്ട് വരുമ്പോഴായിരുന്നു അപകടം. ഗുരുതരമായി പരിക്കേറ്റ ഇരുവരെയും ഉടന് കരമന പി.ആര്.എസ് ആശുപത്രിയിലെത്തിച്ചെങ്കിലും പത്മപ്രിയ പുലര്ച്ചെ ഒരു മണിയോടെ മരിച്ചു. ഭര്ത്താവ് സജു പഴവങ്ങാടി ഗണപതി ക്ഷേത്രത്തിലെ ജീവനക്കാരനും മുന് സൈനികനുമാണ്.
ഇന്ത്യന് ശിക്ഷാ നിയമത്തിലെ വകുപ്പുകളായ 304 (ശശ) ( തന്റെ പ്രവൃത്തിയാല് മറ്റൊരാള്ക്ക് മരണം സംഭവിക്കുമെന്ന അറിവോടെ മരണം സംഭവിപ്പിക്കുന്ന കൊലപാതകമല്ലാത്ത കുറ്റകരമായ നരഹത്യ ) , 279 ( അശ്രദ്ധമായും ഉദാസീനമായും മനുഷ്യ ജീവന് ആപത്തു വരത്തക്കവിധത്തില് വാഹനമോടിക്കല്) , 337 ( പരിക്കേല്പ്പിക്കല് ) , 338 ( അസ്ഥിക്ക് പൊട്ടല് സംഭവിപ്പിച്ച് കഠിന ദേഹോപദ്രവമേല്പിക്കല്) , മോട്ടോര് വാഹന നിയമത്തിലെ 185 ( മദ്യപിച്ച് വാഹനമോടിക്കല് ) എന്നീ കുറ്റങ്ങള് ചുമത്തിയാണ് കോടതി പ്രതിക്കെതിരെ സെഷന്സ് കേസെടുത്തത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
