എം.ഡി.എം.എ. യുമായി അങ്കമാലിയില്‍ യുവാവും യുവതിയും അറസ്റ്റില്‍... പോലീസിന് ലഭിച്ച രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് മയക്കുമരുന്ന് പിടികൂടിയത്. ഇവരുടെ പക്കല്‍നിന്ന് 20.110 ഗ്രാം എം.ഡി.എം.എ. കണ്ടെടുത്തു.


ഇടുക്കി പൂപ്പാറ മുരിക്കുംതോട്ടി വെള്ളാങ്ങല്‍ വീട്ടില്‍ ആല്‍ബിറ്റ് (21), കായംകുളം കരിയിലകുളങ്ങര കരടമ്പിള്ളി വീട്ടില്‍ അനഘ (21) എന്നിവരെയാണ് അങ്കമാലി പോലീസ് അറസ്റ്റ് ചെയ്തത്. ബെംഗളൂരുവില്‍ നിന്നു പത്തനംതിട്ടയിലേക്ക് വരുകയായിരുന്ന ടൂറിസ്റ്റ് ബസിലെ യാത്രക്കാരായിരുന്നു ഇവര്‍.


അങ്കമാലി കെ.എസ്.ആര്‍.ടി.സി. ബസ് സ്റ്റാന്‍ഡിനു സമീപം ബസ് തടഞ്ഞുനിര്‍ത്തി പോലീസ് പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്.