സംസ്ഥാനവ്യാപകമായി ഇന്ന് യുഡിഎഫ് കരിദിനം ആചരിക്കും..... എല്ലാ പഞ്ചായത്തിലും നഗരങ്ങളിലും യുഡിഎഫ് പ്രവര്ത്തകര് കറുത്ത ബാഡ്ജ് ധരിക്കും, കരിങ്കൊടി ഉയര്ത്തിയും പന്തം കൊളുത്തിയും പ്രതിഷേധം അറിയിക്കുമെന്നും കണ്വീനര് എംഎം ഹസന്
സംസ്ഥാനവ്യാപകമായി ഇന്ന് യുഡിഎഫ് കരിദിനമായി ആചരിക്കുമെന്ന് കണ്വീനര് എംഎം ഹസന് . സംസ്ഥാനത്തെ എല്ലാ പഞ്ചായത്തിലും നഗരങ്ങളിലും യുഡിഎഫ് പ്രവര്ത്തകര് കറുത്ത ബാഡ്ജ് ധരിക്കും. കരിങ്കൊടി ഉയര്ത്തിയും പന്തം കൊളുത്തിയും പ്രതിഷേധം അറിയിക്കുമെന്നും ഹസന് വ്യക്തമാക്കി. സംസ്ഥാന സര്ക്കാരിന്റെ ജനദ്രോഹപരമായ നികുതികള് പ്രാബല്യത്തില് വരുന്ന സാഹചര്യത്തിലാണിത്.
തിരുവനന്തപുരത്ത് രാവിലെ 11ന് രക്തസാക്ഷി മണ്ഡപത്തില് നിന്നും സെക്രട്ടേറിയറ്റിലേക്ക് പ്രകടനം നടത്തുകയും യുഡിഎഫ് ജില്ലാ കമ്മറ്റികളുടെ നേതൃത്വത്തില് എല്ലാ ജില്ലകളിലും പ്രതിഷേധം സംഘടിപ്പിക്കുകയും ചെയ്യും. വെള്ളക്കരം, വൈദ്യുതി ചാര്ജ്, വീട്ടുകരം, ഇന്ധനവില എന്നിവ ഒരു നിയന്ത്രണവും ഇല്ലാതെ അശാസ്ത്രീയമായി വര്ധിപ്പിച്ച് ജനങ്ങള്ക്ക് എല്ലാ മേഖലകളിലും ദുര്ദിനമാണ് സമ്മാനിക്കുന്നതെന്ന് ഹസന് വാര്ത്താക്കുറിപ്പില് വിമര്ശിക്കുകയുണ്ടായി.
ഈ വേനല്ക്കാലത്ത് വെള്ളത്തിന് പോലും നികുതി ഏര്പ്പെടുത്തി ജനങ്ങളുടെ വെള്ളം കുടി മുട്ടിച്ചിരിക്കുകയാണ് സര്ക്കാര്. ഇന്ധനവില വര്ധനവ് സമസ്മത മേഖലയിലും വില വര്ധനവിന് വഴിവെയ്ക്കുമെന്നും അദ്ദേഹം പറഞ്ഞു. ആറ് വര്ഷത്തിനിടെ ഉണ്ടായ ഏറ്റവും വലിയ നികുതി കൊള്ളയാണ് ഈ ബജറ്റിലുണ്ടായിരിക്കുന്നതെന്നും വിമര്ശനമുണ്ട്.
ജനജീവിതം ദുസ്സഹമാക്കുന്ന നികുതി കൊള്ളയാണ് ഏപ്രില് മുതല് പ്രാബല്യത്തില് വരുന്നത്. സാധാരണക്കാരന്റെയും പാവപ്പെട്ടവരുടെയും തലയില് അധിക ഭാരം അടിച്ചേല്പ്പിച്ചുള്ള നികുതി കൊള്ളയ്ക്കെതിരെയാണ് യുഡിഎഫ് പ്രക്ഷോഭം ശക്തമാക്കാനൊരുങ്ങുന്നത്.
"
https://www.facebook.com/Malayalivartha
