കൊച്ചിയില്‍ രാസവാതകചോര്‍ച്ചയുണ്ടായി. ഇന്നലെ രാത്രിയോടെയാണ് ഇടപ്പള്ളി, കളമശേരി, കാക്കനാട് ഭാഗങ്ങളില്‍ പാചകവാതകത്തിന് സമാനമായ രൂക്ഷഗന്ധം പരന്നത്. ഇതിന് പിന്നാലെ നടത്തിയ പരിശോധനയില്‍ കങ്ങരപ്പടിയിലെ ഗ്യാസ് പൈപ്പുകളില്‍ ചോര്‍ച്ച വന്നതായി കണ്ടെത്തുകയായിരുന്നു.

ഇന്ത്യന്‍ ഓയില്‍ അദാനി ഗ്യാസിന്റെ പൈപ്പ്ലൈനിലാണ് ചോര്‍ച്ചയുണ്ടായതെന്നാണ് സൂചനകള്‍. അപകടകരമായ വാതകമല്ല ചോര്‍ന്നതെന്നാണ് അധികൃതര്‍ വിശദീകരിക്കുന്നത്.

എല്‍പിജി ചോര്‍ച്ചയുണ്ടായാല്‍ മനസിലാക്കാനായി ഒരു ഗന്ധം ചേര്‍ക്കാറുണ്ട്. അതുമായി ബന്ധപ്പെട്ടുണ്ടായ സാങ്കേതിക തകരാറാണിതെന്ന് കമ്പനി അറിയിച്ചു. പ്രശ്നം പരിഹരിച്ചുവരികയാണെന്നും കമ്പനി വ്യക്തമാക്കിയിട്ടുണ്ട്.