ആലപ്പുഴ കായംകുളത്ത് പൊലീസിനെ വെട്ടിച്ച് രക്ഷപ്പെടാന് ശ്രമിച്ച പ്രതിയില്.... കോടതിയില് ഹാജരാക്കിയശേഷം ജയിലിലേക്ക് കൊണ്ടുപോകുന്നതിനിടെയാണ് ഇയാള് ഓടി രക്ഷപ്പെടാന് ശ്രമിച്ചത്
ആലപ്പുഴ കായംകുളത്ത് പൊലീസിനെ വെട്ടിച്ച് രക്ഷപ്പെടാന് ശ്രമിച്ച പ്രതിയില്.... കോടതിയില് ഹാജരാക്കിയശേഷം ജയിലിലേക്ക് കൊണ്ടുപോകുന്നതിനിടെയാണ് ഇയാള് ഓടി രക്ഷപ്പെടാന് ശ്രമിച്ചത്.
തിരുവല്ല നെടുമ്പ്രം സ്വദേശി വിഷ്ണു ഉല്ലാസിനെയാണ് പൊലീസും നാട്ടുകാരും ചേര്ന്ന് ഓടിച്ചിട്ട് പിടികൂടിയത്. മുന്പും ജയില് ചാടാനായി ശ്രമിച്ച കേസിലെ പ്രതിയാണ് വിഷ്ണു ഉല്ലാസ്. നേരത്തെ മാവേലിക്കര സബ് ജയിലില് നിന്ന് ചാടി രക്ഷപ്പെട്ട കേസിലാണ് ഇയാളെ കോടതിയില് ഹാജരാക്കിയത്.
സബ് ജയിലില് നിന്ന് ചാടി രക്ഷപ്പെട്ടതിനാല് തിരുവനന്തപുരം സെന്ട്രല് ജയിലിലായിരുന്നു വിഷ്ണു. മാവേലിക്കര കോടതിയില് ഹാജരാക്കിയ ശേഷം തിരുവനന്തപുരത്തേക്ക് പോകാനായി വിഷ്ണുവും ഉദ്യോഗസ്ഥരും കായംകുളം കെ.എസ്.ആര്.ടി.സി സ്റ്റാന്ഡിലെത്തി. ഈ സമയത്ത് ഇയാള് മൂത്രം ഒഴിക്കണമെന്ന് ആവശ്യപ്പെട്ടു. പൊലീസുകാര് ശൗചാലയത്തിന് മുന്നില് നിന്ന് വിലങ്ങഴിച്ചു. തുടര്ന്ന് പോലീസിനെ വെട്ടിച്ച പ്രതി ബസ് സ്റ്റാന്ഡിന്റെ പിന്നിലൂടെ ഓടി രക്ഷപ്പെടുകയായിരുന്നു.
"
https://www.facebook.com/Malayalivartha
