ട്രെയിനില് യാത്രക്കാരുടെമേല് തീകൊളുത്തിയ സംഭവത്തില് അന്വേഷണം ആവശ്യപ്പെട്ട് കേന്ദ്ര റെയില്വേ മന്ത്രിക്ക് കത്തയച്ച് കെപിസിസി പ്രസിഡന്റ് കെ.സുധാകരന്
ട്രെയിനില് യാത്രക്കാരുടെമേല് തീകൊളുത്തിയ സംഭവത്തില് അന്വേഷണം ആവശ്യപ്പെട്ട് കേന്ദ്ര റെയില്വേ മന്ത്രിക്ക് കത്തയച്ച് കെപിസിസി പ്രസിഡന്റ് കെ.സുധാകരന്
ട്രെയിന് യാത്രക്കാരുടെ സുരക്ഷ ഉറപ്പുവരുത്തേണ്ടത് സര്ക്കാരിന്റെ ഉത്തരവാദിത്വമാണെന്ന് കത്തില് പറയുന്നു. സംഭവത്തില് വിശദമായ അന്വേഷണം വേണം. ഇത്തരം ആക്രമണങ്ങള് ആവര്ത്തിക്കാതിരിക്കാനുള്ള നടപടികള് സ്വീകരിക്കണമെന്നും സുധാകരന് ആവശ്യപ്പെട്ടു.
മാത്രവുമല്ല മരിച്ചവരുടെ കുടുംബങ്ങള്ക്കും പരിക്കേറ്റവര്ക്കും അര്ഹമായ ധനസഹായം നല്കണമെന്നും കത്തില് ആവശ്യപ്പെട്ടു.
അതേസമയം പ്രതിക്കായി അന്വേഷണം ഊര്ജിതമാണ്. നിര്ണായക സാക്ഷി റാസിക്കിന്റെ സഹായത്തോടെ പ്രതിയുടെ രേഖചിത്രം തയ്യാറാക്കാനാണ് പൊലീസ് നീക്കം. പ്രതി ഇതര സംസ്ഥാന തൊഴിലാളിയെന്നാണ് സാക്ഷി റാസിക്കില് നിന്നും ലഭിച്ച സൂചന. പ്രതിയുടേതെന്ന് കരുതുന്ന ഒരു ബാഗും ഉപേക്ഷിക്കപ്പെട്ട നിലയില് കണ്ടെത്തി.
പെട്രോള് അടങ്ങിയ കുപ്പി, സ്ഥലപ്പേരുകളുടെ കുറിപ്പ്, ഇംഗ്ലീഷിലും ഹിന്ദിയിലും എഴുതിയ ദിനചര്യ കുറിപ്പ്, ഇയര്ഫോണും കവറും, രണ്ട് മൊബൈല് ഫോണുകള്, ഭക്ഷണമടങ്ങിയ ടിഫിന് ബോക്സ്, പാക്കറ്റിലുള്ള ലഘുഭക്ഷണം, പഴ്സ്, ടീ ഷര്ട്ട്, തോര്ത്ത്, കണ്ണട, കപ്പലണ്ടി മിഠായി എന്നിവയാണ് ബാഗില് നിന്ന് കണ്ടെത്തിയത്. ഇവ ശാസ്ത്രീയ പരിശോധനയ്ക്ക് അയക്കുമെന്ന് അന്വേഷണ ഉദ്യോഗസ്ഥര്
https://www.facebook.com/Malayalivartha
