ട്രെയിനില്‍ യാത്രക്കാരെ പെട്രോളൊഴിച്ച് തീ കൊളുത്തിയത് ഉത്തരേന്ത്യക്കാരനായ ഷഹറൂഖ് സെയ്ഫിയെന്ന് സൂചന. ട്രാക്കില്‍ ഉപേക്ഷിച്ച ബാഗില്‍നിന്നു ലഭിച്ച രേഖകളുടെ അടിസ്ഥാനത്തിലാണു പൊലീസ് ഈ നിഗമനത്തിലെത്തിയത്. കേസിലെ നിര്‍ണായക സാക്ഷിയായ റാസിക്ക് നല്‍കിയ വിവരത്തിന്റെ അടിസ്ഥാനത്തിലാണ് പൊലീസ് രേഖാചിത്രം തയാറാക്കിയത്.

മൊബൈല്‍ ഫോണ്‍, ഒരു കുപ്പി പെട്രോള്‍, ഇംഗ്ലിഷിലും ഹിന്ദിയിലും എഴുതിയ കുറിപ്പുകള്‍ എന്നിവയാണ് ബാഗിനുള്ളിലുള്ളത് ഫൊറന്‍സിക് പരിശോധനയ്ക്കുശേഷം മൊബൈല്‍ ഫോണ്‍ വിശദമായ പരിശോധനയ്ക്കായി പൊലീസിന് കൈമാറി. അതിനിടെ ട്രെയിനിലെ തീവയ്പ് അന്വേഷിക്കാന്‍ 18 അംഗ പ്രത്യേക അന്വേഷണസംഘം രൂപികരിച്ചു. മലപ്പുറം ക്രൈംബ്രാഞ്ച് എസ്.പി പി.വിക്രമനാണ് സംഘത്തലവന്‍. എ.ഡി.ജി.പി അജിത് കുമാര്‍ അന്വേഷണത്തിന് മേല്‍നോട്ടം വഹിക്കും.