യേശുക്രിസ്തുവിന്റെ ഉയിര്ത്തെഴുന്നേല്പ്പിന്റെ സ്മരണയില് ക്രൈസ്തവര് ഇന്ന് ഈസ്റ്റര് ആഘോഷിക്കുന്നു.....ദേവാലയങ്ങളില് ശുശ്രൂഷകളും പ്രാര്ത്ഥനയും നടന്നു, സ്നേഹത്തിന്റെയും പുതുപ്രതീക്ഷകളുടെയും ആഘോഷം കൂടിയായ ഈസ്റ്റര് 50 ദിവസത്തെ നോമ്പാചരണത്തോടെ ആചരിക്കുന്നു.... പ്രിയ വായനക്കാര്ക്ക് മലയാളി വാര്ത്തയുടെ ഈസ്റ്റര് ദിനാശംസകള്
യേശുക്രിസ്തുവിന്റെ ഉയിര്ത്തെഴുന്നേല്പ്പിന്റെ സ്മരണയില് ക്രൈസ്തവര് ഇന്ന് ഈസ്റ്റര് ആഘോഷിക്കുന്നു.....ദേവാലയങ്ങളില് ശുശ്രൂഷകളും പ്രാര്ത്ഥനയും നടന്നു, സ്നേഹത്തിന്റെയും പുതുപ്രതീക്ഷകളുടെയും ആഘോഷം കൂടിയായ ഈസ്റ്റര് 50 ദിവസത്തെ നോമ്പാചരണത്തോടെ ആചരിക്കുന്നു.... പ്രിയ വായനക്കാര്ക്ക് മലയാളി വാര്ത്തയുടെ ഈസ്റ്റര് ദിനാശംസകള്
പ്രത്യാശയുടെ സന്ദേശം പകര്ന്ന് ക്രൈസ്തവസമൂഹം ഇന്ന് ഈസ്റ്റര് ആഘോഷിക്കുന്നു. യേശുദേവന് കുരിശിലേറിയ ശേഷം മൂന്നാം നാള് ഉയിര്ത്തെഴുന്നേറ്റതിന്റെ ഓര്മപുതുക്കലാണ് ഈസ്റ്റര്. അന്പത് നോമ്പാചരണത്തിന്റെ അവസാനം കൂടിയാണ് ഈസ്റ്റര്.
ഈസ്റ്ററിന്റെ ഭാഗമായി സംസ്ഥാനത്തെ വിവിധ പള്ളികളില് ശുശ്രൂഷകളും പ്രാര്ത്ഥനയും നടന്നു. പാളയം സെന്റ് ജോസഫ് കത്തീഡ്രലില് ഈസ്റ്റര് ശുശ്രൂഷകള്ക്ക് ആര്ച്ച് ബിഷപ്പ് തോമസ് ജെ നെറ്റോ നേതൃത്വം നല്കി.
നിരാശ പരത്തുന്ന കാര്യങ്ങളാണ് ചുറ്റും കാണുന്നതെന്നും ഈ സാഹചര്യത്തിലാണ് പ്രത്യാശയുടെ പ്രകാശവുമായി ഈസ്റ്റര് സന്ദേശം മനസുകളിലേക്ക് എത്തുന്നതെന്നും ബിഷപ്പ് പറഞ്ഞു. ദുഃഖവെള്ളിയാഴ്ചക്ക് ശേഷം വരുന്ന ഞായറാഴ്ചയാണ് ഈസ്റ്റര് ആചരിക്കുന്നത്. തിന്മയുടെയും അസത്യത്തിന്റെയും ജയം താല്ക്കാലികം ആണെന്നും ഭൂരിപക്ഷത്തോടൊപ്പം വളഞ്ഞവഴികള് തേടാതെ കഷ്ടങ്ങള് സഹിച്ചും സത്യത്തിനു വേണ്ടി നില നില്ക്കണം എന്നുമാണ് ഈസ്റ്റര് നല്കുന്ന സന്ദേശങ്ങള്.
50 ദിവസത്തെ നോമ്പാചരണത്തിന്റെ വിശുദ്ധിയോടെ ഈ ദിനത്തില് ദേവാലയങ്ങളില് ശുശ്രൂഷകള്, ദിവ്യബലി, കുര്ബാന എന്നിവ നടത്തുന്നു. ആദ്യ നൂറ്റാണ്ടില് റോമിലെ ക്രിസ്ത്യാനികള് ഈസ്റ്റര് ദിനത്തെ വിളിച്ചിരുന്നത് ആനന്ദത്തിന്റെ ഞായര് എന്നായിരുന്നു. ഇംഗ്ലണ്ടിലെ ആംഗ്ലോ-സാക്സോണിയന്മാര് ഈയോസ്റ്ററേ എന്ന ദേവതയെ ആരാധിച്ചിരുന്നു. ഈയോസ്റ്ററേ ദേവതയുടെ പ്രീതിക്കായുള്ള യാഗങ്ങള് ഏറെയും നടന്നിരുന്ന മാസത്തെ ഈസ്റ്റര് മാസം എന്നാണറിയപ്പെട്ടിരുന്നത്. പിന്നീട് ക്രിസ്തുമതം അവിടെ പ്രചരിച്ചപ്പോള് ഈസ്റ്റര് മാസത്തില്തന്നെ ആചരിച്ചിരുന്ന ക്രിസ്തുവിന്റെ പുനരുത്ഥാനപ്പെരുന്നാളിനെ ഈസ്റ്റര് എന്നു വിളിച്ചു തുടങ്ങുകയും പിന്നീടത് സാര്വത്രികപ്രചാരം നേടി.
പ്രിയ വായനക്കാര്ക്ക് മലയാളി വാര്ത്തയുടെ ഈസ്റ്റര് ദിനാശംസകള്
"
https://www.facebook.com/Malayalivartha
