മകന് കാരണം ആദര്ശധീരന്... ആന്റണിക്കു നേരെ നാലുപാടു നിന്നും സൈബര് ആക്രമണം; കെപിസിസി നടപടി എടുക്കുമെന്ന് സുധാകരന്; 82 വയസുള്ള ആന്റണിയെയും അപമാനിക്കുന്നു; അവര് കോണ്ഗ്രസിന്റെ നന്മ ആഗ്രഹിക്കുന്നവരല്ലെന്ന് കെ മുരളീധരന്
ഒറ്റ ദിവസം കൊണ്ട് ആന്റണിയുടെ ഇമേജ് തകര്ക്കുന്ന കാഴ്ചയാണ് കാണുന്നത്. മകന് അനില് ആന്റണി ബിജെപിയില് പോയതോടെ കോണ്ഗ്രസുകാര് ഉള്പ്പെടെ ആന്റണിയ്ക്കെതിരെ രംഗത്തെത്തുകയാണ്. അനില് ആന്റണിയുടെ ബിജെപി പ്രവേശത്തിന്റെ പേരില് എ.കെ.ആന്റണിക്കു നേരെ നടക്കുന്ന സൈബര് ആക്രമണത്തില് കോണ്ഗ്രസ് നേതൃത്വം പ്രതിഷേധത്തില്.
പാര്ട്ടിയിലെ ആരും അതില് ഭാഗമാകരുതെന്ന കര്ശന മുന്നറിയിപ്പ് നേതൃത്വം നല്കി. അത്തരക്കാര്ക്കെതിരെ കെപിസിസി നടപടി എടുക്കുമെന്നു കെപിസിസി പ്രസിഡന്റ് കെ.സുധാകരന് പറഞ്ഞു. നേതാക്കള്ക്കെതിരെ നടക്കുന്ന സൈബര് ആക്രമണം അവസാനിപ്പിക്കാന് കെപിസിസി ഇടപെടണമെന്നു കെ.മുരളീധരന് എംപി ആവശ്യപ്പെട്ടു. 82 വയസ്സായ എ.കെ.ആന്റണിയെ പോലും അപമാനിക്കുന്നു.
അനില് ആന്റണി പാര്ട്ടി വിടാന് ഇടയായ കാരണങ്ങളിലൊന്ന് സൈബര് ആക്രമണമാണെന്നും മുരളീധരന് പറഞ്ഞു. ആന്റണിക്കെതിരെ നടക്കുന്ന വ്യക്തിഹത്യ അംഗീകരിക്കാന് കഴിയില്ലെന്നു എഐസിസി സെക്രട്ടറി പി.സി.വിഷ്ണുനാഥ് പറഞ്ഞു.
നേതാക്കള്ക്കെതിരായ സൈബര് ആക്രമണം അവസാനിപ്പിക്കാന് കെപിസിസി ഇടപെടണമെന്ന് കെ.മുരളീധരന് എംപിയും ആവശ്യപ്പെട്ടു. 82 വയസ്സുള്ള എ.കെ.ആന്റണിയെ പോലും അപമാനിക്കുന്നു. അനില് ആന്റണി പാര്ട്ടി വിടാനുള്ള കാരണങ്ങളിലൊന്ന് സൈബര് ആക്രമണമാണെന്നും മുരളീധരന് പറഞ്ഞു.
അനില് ആന്റണിക്കെതിരെ സൈബര് ആക്രമണം ഉണ്ടായി. അദ്ദേഹം ചെറുപ്പക്കാരനായതുകൊണ്ട് അതൊന്നും താങ്ങാനുള്ള കരുത്തുണ്ടാകില്ല. ഞങ്ങളൊക്കെ ഇത് ഒരുപാട് അനുഭവിച്ചവരാണ്. പക്ഷേ 82 വയസ്സുള്ള കോണ്ഗ്രസിന്റെ മുതിര്ന്ന നേതാവിനെ ഇങ്ങനെ മോശപ്പെടുത്തുന്ന രീതിയില് സൈബര് ആക്രമണം നടത്തുന്നവര് കോണ്ഗ്രസിന്റെ നന്മ ആഗ്രഹിക്കുന്നവരല്ല. പാര്ട്ടിക്കുള്ളിലെ ശത്രുക്കളാണ് ഇതിന് പിന്നിലെന്നും കെ. മുരളീധരന് പറഞ്ഞു.
നേതൃത്വം തന്നെ അവഗണിക്കുന്നുവെന്ന നിലപാടില് ഉറച്ച് നില്ക്കുന്നുവെന്നും തന്റെ പരാതി പരിഹരിക്കാന് നേതൃത്വം തയാറാകാത്തതില് പരിഭവമില്ലെന്നും അദ്ദേഹം വ്യക്തമാക്കി.
അതേസമയം അനില് ആന്റണിയെ ബിജെപി കറിവേപ്പില പോലെ വലിച്ചെറിയുമെന്ന് സഹോദരന് അജിത്ത് ആന്റണി. കോണ്ഗ്രസ് പ്രവര്ത്തകര് അനില് ആന്റണിയെ തുടര്ച്ചയായി തെറി പറഞ്ഞു. അതാണ് അനിലിനെ ചൊടിപ്പിച്ചതെന്നും അനില് ആന്റണി വ്യക്തമാക്കി.
കോണ്ഗ്രസ് വിട്ട് ബി.ജെ.പിയില് ചേര്ന്ന അനില് ആന്റണി കുഴിയാനയാണെന്ന കെ.പി.സി.സി പ്രസിഡന്റ് കെ.സുധാകരന്റെ വിമര്ശനത്തിനെതിരെ കേന്ദ്രമന്ത്രി വി.മുരളീധരന് രംഗത്തെത്തി. അനില് ആന്റണി കുഴിയാനയാണെങ്കില് അദ്ദേഹത്തിന്റെ പിതാവും അതായിരിക്കുമല്ലോ യെന്ന് മുരളീധരന് ചോദിച്ചു. കെ.സുധാകരന്റെ സൈബര് സംഘമാണ് എ.കെ.ആന്റണിയെ ആക്രമിക്കുന്നത്.
എ.കെ.ആന്റണി ആദര്ശ ധീരനായ നേതാവാണ്. അഴിമതി തൊട്ട് തീണ്ടാത്ത നേതാവാണ് ആന്റണി. അദ്ദേഹത്തിനെയാണിപ്പോള് കോണ്ഗ്രസ് നേതൃത്വം ആക്രമിക്കുന്നത്.
എ.കെ. ആന്റണിയെ നേരത്തെയും ഞങ്ങള് ബഹുമാനിക്കുന്നു. അതിലിപ്പോഴും മാറ്റമില്ല. അനില് ആന്റണി പറഞ്ഞത് കോണ്ഗ്രസില് ചുരുക്കം ചില നേതാക്കള്ക്കും കുടുംബത്തിനു വേണ്ടിയാണ് പ്രവര്ത്തിക്കുന്നത്. എന്നാല്, ബി.ജെ.പിയുടെ ഭാഗമാകുമ്പോള് രാജ്യത്തിനുവേണ്ടിയാണ് പ്രവര്ത്തിക്കുന്നതെന്നാണ്. പല നേതാക്കളും വന്നുകൊണ്ടെയിരിക്കുകയാണ്. ഇനിയും നേതാക്കള് ബി.ജെ.പിയിലേയ്ക്ക് വരുമെന്നും വി. മുരളീധരന് അവകാശപ്പെട്ടു.
"
https://www.facebook.com/Malayalivartha
