ദ്വിദിന സന്ദര്ശനത്തിനായി കേന്ദ്ര ആഭ്യന്തര മന്ത്രി അമിത് ഷാ നാളെ അരുണാചല് പ്രദേശില്.... ഇന്ത്യ-ചൈന അതിര്ത്തിയിലെ കിബിത്തൂ ഗ്രാമത്തില് ' വൈബ്രന്റ് വില്ലേജസ് പ്രോഗ്രാം അദ്ദേഹം ഉദ്ഘാടനം ചെയ്യും, സംസ്ഥാന വികസനത്തിന് ആകെ 4,800 കോടി രൂപയുടെ അംഗീകാരം നല്കിയെന്ന് ആഭ്യന്തര മന്ത്രാലയം
ദ്വിദിന സന്ദര്ശനത്തിനായി കേന്ദ്ര ആഭ്യന്തര മന്ത്രി അമിത് ഷാ നാളെ അരുണാചല് പ്രദേശില്.... ഇന്ത്യ-ചൈന അതിര്ത്തിയിലെ കിബിത്തൂ ഗ്രാമത്തില് ' വൈബ്രന്റ് വില്ലേജസ് പ്രോഗ്രാം അദ്ദേഹം ഉദ്ഘാടനം ചെയ്യും, സംസ്ഥാന വികസനത്തിന് ആകെ 4,800 കോടി രൂപയുടെ അംഗീകാരം നല്കിയെന്ന് ആഭ്യന്തര മന്ത്രാലയം
ഏപ്രില് 10, 11 തീയതികളിലാണ് സന്ദര്ശനം. വിവിപിയുടെ ഭാഗമായി റോഡ് വികസനത്തിന് മാത്രമായി 2,500 കോടി രൂപയാണ് കേന്ദ്ര സര്ക്കാര് അരുണാചല് പ്രദേശില് നല്കിയത്.
അരുണാചല് പ്രദേശ്, സിക്കിം, ഉത്തരാഖണ്ഡ്, ഹിമാചല് പ്രദേശ് എന്നിവിടങ്ങളിലെ വടക്കന് അതിര്ത്തിയോട് ചേര്ന്നുള്ള 19 ജില്ലകളിലെ 2,967 ഗ്രാമങ്ങളും കേന്ദ്രഭരണ പ്രദേശമായ ലഡാക്കിന്റെയും സമഗ്ര വികസനത്തിനായി തയ്യാറാക്കിയ കേന്ദ്ര പദ്ധതിയാണ് വിവിപി. ആദ്യഘട്ടത്തില് ആന്ധ്രാപ്രദേശിലെ 455 ഗ്രാമങ്ങള് ഉള്പ്പെടെ 662 ഗ്രാമങ്ങള് മുന്ഗണന പട്ടികയില് ഇടം നേടിയിരുന്നു.
അതിര്ത്തി ഗ്രാമങ്ങളിലെ ജീവിതനിലവാരം ഉയര്ത്തുക കുടിയേറ്റം തടയാനും അതിര്ത്തിയുടെ സുരക്ഷ വര്ദ്ധിപ്പിക്കാനും വിവിപി സഹായിക്കുമെന്ന് മന്ത്രാലയം . റോഡ്, കുടിവെള്ളം, വൈദ്യുതി, മൊബൈല്, ഇന്റര്നെറ്റ് കണക്റ്റിവിറ്റി, ടൂറിസ്റ്റ് കേന്ദ്രങ്ങള്, മള്ട്ടി പര്പ്പസ് സെന്ററുകള്, ഹെല്ത്ത് കെയര് ഇന്ഫ്രാസ്ട്രക്ചര്, വെല്നസ് സെന്ററുകള് എന്നിവയാണ് ഗ്രാമങ്ങളുടെ വികസനത്തിനായുള്ള ഇടപെടലുകളുടെ മേഖലകള്, ആഭ്യന്തര മന്ത്രാലയം പറഞ്ഞു.
അതിര്ത്തി ജില്ലകളിലെ വനിതാ സ്വയം സഹായ സംഘങ്ങളിലെ അംഗങ്ങള് നിര്മ്മിച്ച ഉത്പ്പന്നങ്ങളുടെ പ്രദര്ശനവും നടക്കുമെന്ന് എംഎച്ച്എ . ഷാ പ്രദര്ശന സ്റ്റാളുകള് സന്ദര്ശിക്കും. ഏപ്രില് 11 ന് അദ്ദേഹം നാംതി ഫീല്ഡ് സന്ദര്ശിച്ച് വാലോംഗ് യുദ്ധസ്മാരകത്തില് ആദരാഞ്ജലി അര്പ്പിക്കുകയും ചെയ്യും.
https://www.facebook.com/Malayalivartha
