ഇടുക്കിയിലെ ജനവാസ മേഖലകളില് നിരന്തരം നാശം വിതയ്ക്കുന്ന അരിക്കൊമ്പനെ പറമ്പിക്കുളത്തേക്ക് മാറ്റണമെന്ന ഉത്തരവിനെതിരായ പുനപരിശോധന ഹര്ജി ഇന്ന് ഹൈക്കോടതി പരിഗണനയില്
ഇടുക്കിയിലെ ജനവാസ മേഖലകളില് നിരന്തരം നാശം വിതയ്ക്കുന്ന അരിക്കൊമ്പനെ പറമ്പിക്കുളത്തേക്ക് മാറ്റണമെന്ന ഉത്തരവിനെതിരായ പുനപരിശോധന ഹര്ജി ഇന്ന് ഹൈക്കോടതി പരിഗണനയില്.
നെന്മാറ എംഎല്എ കെ.ബാബുവാണ് ഹര്ജിക്കാരന്.പറമ്പിക്കുളത്തേക്ക് അരിക്കൊമ്പനെ മാറ്റിയാല് ഉണ്ടായേക്കാവുന്ന അപകടസാധ്യതകളെ കുറിച്ച് വിദഗ്ധ സമിതി പരിഗണിച്ചിട്ടില്ലെന്നാണ് ഹര്ജിയിലെ വാദം. ഡിവിഷന് ബെഞ്ച് ഉച്ചയ്ക്ക് 1.45നാണ് ഹര്ജി പരിഗണിക്കുന്നത്.
ഇതിനിടെ അരിക്കൊമ്പനെ പിടികൂടുമ്പോള് ഘടിപ്പിക്കാനുള്ള ജിപിഎസ് കോളര് കേരളത്തിലേക്ക് എത്തിക്കാനായി നിയോഗിച്ച വനംവകുപ്പ് ഉദ്യോഗസ്ഥന് ഇന്ന് അസ്സമിലേക്ക് പുറപ്പെടും. ജസ്റ്റിസുമാരായ ജയശങ്കരന് നമ്പ്യാര്, പി.ഗോപിനാഥ് എന്നിവരടങ്ങുന്ന ഇടുക്കിയിലുള്ള കാട്ടാനയെ പറമ്പിക്കുളത്തേക്ക് മാറ്റുന്നത് അശാസ്ത്രിയമെന്നാണ് ഹര്ജിയിലെ വാദം.
ഇന്നലെ വൈകിട്ട് ഇതിനുള്ള അനുമതി സംസ്ഥാന ചീഫ് വൈല്ഡ് ലൈഫ് വാര്ഡന് നല്കിയിട്ടുണ്ടായിരുന്നു. വ്യാഴാഴ്ചയോടെ കോളര് എത്തിക്കാനാണ് സാധ്യതയേറെയുള്ളത്. അതിനു ശേഷം മോക്ക് ഡ്രില്, ദൗത്യം എന്നിവ നടത്തുന്നതിനുള്ള തീയതി തീരുമാനിച്ചേക്കും.
"
https://www.facebook.com/Malayalivartha
