അതും സാധ്യമാക്കും... നടക്കാത്ത കുറ്റിപോലുമിടാത്ത കെ റെയിലിന്റെ ടിക്കറ്റ് ചാര്ജും സ്പീഡുമായും സഖാക്കള് രംഗത്ത്; എന്നാല് ഒരു മീന് കുഞ്ഞുങ്ങളുമറിയാതെ നടത്തിക്കാണിച്ച് മോദി; തിരുവനന്തപുരംഎറണാകുളം 3 മണിക്കൂര്; വിമാന, കാര് യാത്രക്കാരെ ലക്ഷ്യമിട്ട് വന്ദേഭാരത്
അങ്ങനെ വന്ദേ ഭാരത് ട്രെയിന് യാഥാര്ത്ഥ്യമായി. പരീക്ഷണ ഓട്ടം ആരംഭിച്ചു. അതിനിടെ നടക്കാത്ത കുറ്റിപോലുമിടാത്ത കെ റെയിലിന്റെ ടിക്കറ്റ് ചാര്ജും സ്പീഡുമായും സഖാക്കള് രംഗത്ത്. എന്നാല് കെ റെയില് വര്ഷങ്ങള്ക്ക് ശേഷം എത്തിയാല് ചാര്ജും ഉയരില്ലെന്ന് ആര് കണ്ടു. എന്നാല് ഒരു മീന് കുഞ്ഞുങ്ങളുമറിയാതെ നടത്തിക്കാണിച്ചിരിക്കുകയാണ് പ്രധാനമന്ത്രി നരേന്ദ്ര മോദി.
വന്ദേഭാരത് ട്രെയിന് ലക്ഷ്യം വയ്ക്കുന്നതു നിലവിലുള്ള ട്രെയിനുകളിലെ എസി യാത്രക്കാര്ക്കു പുറമേ തിരുവനന്തപുരം കൊച്ചി കണ്ണൂര് സെക്ടറിലെ വിമാനം, കാര് യാത്രക്കാരെയും. കൊച്ചി വിമാനത്താവളം ഉപയോഗിക്കുന്ന ഒട്ടേറെപ്പേര് തിരുവനന്തപുരത്തും നിന്നും മലബാറില് നിന്നും ദീര്ഘദൂര ട്രെയിനുകളില് പകല് സമയം എറണാകുളത്തേക്കു യാത്ര ചെയ്യുന്നുണ്ട്. തിരുവനന്തപുരത്തു നിന്നു 3 മണിക്കൂര് കൊണ്ടു എറണാകുളത്ത് എത്താനായാല് വന്ദേഭാരതിനു കൂടുതല് യാത്രക്കാരെ ആകര്ഷിക്കാന് കഴിയും.
അതോടെ വിമാനത്താവളത്തിലേക്കു പോകുന്നവര് വന്ദേഭാരതിലേക്കു മാറും. ദീര്ഘദൂര ട്രെയിനുകളില് പകല് സമയ എസി യാത്രയ്ക്കു കേരളത്തിനുള്ളില് നല്ല ഡിമാന്ഡുണ്ട്. 2 ജനശതാബ്ദി ട്രെയിനുകളിലും എസി കോച്ചുകള് എപ്പോഴും വെയ്റ്റ് ലിസ്റ്റിലാണ്. സ്ലീപ്പര് ടിക്കറ്റ് എടുത്ത ശേഷം എസിയിലേക്കു മാറ്റിയെടുക്കുന്ന ഒട്ടേറെ യാത്രക്കാരുണ്ടെങ്കിലും വന്ദേഭാരതിലെ ടിക്കറ്റ് നിരക്കുകള് വെല്ലുവിളിയാകുമെന്ന സംശയം അധികൃതര്ക്കുണ്ട്.
എന്നാല് സ്ഥിരം യാത്രക്കാര് വന്ദേഭാരതിലേക്കു മാറാനുള്ള സാധ്യത വിരളമാണ്. പ്രീമിയം സര്വീസായതിനാല് സീസണ് ടിക്കറ്റുകളും കണ്സഷനുകളും ട്രെയിനിലുണ്ടാകില്ല. ഉച്ചയ്ക്കു പുറപ്പെടുന്ന ജനശതാബ്ദിയില് കോഴിക്കോട്ടുനിന്ന് എറണാകുളത്തേക്കു തിരക്കു പൊതുവേ കുറവാണ്. വന്ദേഭാരത് 4 മണിയോടെ കോഴിക്കോട് വിട്ടാല് യാത്രക്കാരുടെ എണ്ണം കൂടും.
ജനശതാബ്ദി കഴിഞ്ഞാല് തിരുവനന്തപുരത്തേക്കു ഏറെ നേരം ട്രെയിനില്ലാത്ത പ്രശ്നം മലബാര് മേഖലയിലുണ്ട്. വൈകിട്ട് 5.30ന് ശേഷം മണിക്കൂറുകളോളം തലസ്ഥാനത്തേക്കു ട്രെയിനില്ലാത്ത പ്രശ്നം എറണാകുളത്തുമുണ്ട്. വന്ദേഭാരത് ഇതിനു പരിഹാരമായാല് ഏറെ യാത്രക്കാരെ ലഭിക്കുമെന്നു യാത്രക്കാരുടെ സംഘടനകളും ചൂണ്ടിക്കാട്ടുന്നു.
അതേസമയം കേരളത്തില് വന്ദേഭാരതിനു കൂടുതല് സ്റ്റോപ്പുകള് അനുവദിക്കുന്നതു യാത്രാസമയം കൂട്ടുമെന്ന് അധികൃതര്ക്ക് ആശങ്ക. കോയമ്പത്തൂര് ചെന്നൈ വന്ദേഭാരതിന് 3 സ്റ്റോപ്പുകള് മാത്രമുള്ളപ്പോള് കേരളത്തിലെ വന്ദേഭാരതിന് 6 സ്റ്റോപ്പുകളാണു ആദ്യം തന്നെ ശുപാര്ശ ചെയ്തിരിക്കുന്നത്. വിവിധ കോണുകളില് നിന്നു പുതിയ സ്റ്റോപ്പുകള്ക്കായുള്ള ആവശ്യവും ഉയര്ന്നു കഴിഞ്ഞു. ഇതില് ഒന്നോ രണ്ടോ സ്റ്റോപ്പുകള് റെയില്വേ അനുവദിക്കാനാണു സാധ്യത. അങ്ങനെയെങ്കില് ട്രെയിനിന്റെ യാത്രാസമയം 6 മിനിറ്റ് കൂടും.
ചെന്നൈ വിട്ടാല് കോയമ്പത്തൂര് വന്ദേഭാരതിന്റെ ആദ്യ സ്റ്റോപ്പ് 345 കിലോമീറ്റര് അകലെ സേലം ജംക്ഷനിലാണ്. ചെന്നൈ കോയമ്പത്തൂര് 505 കിലോമീറ്റര് ദൂരം ഓടാന് 5 മണിക്കൂര് 50 മിനിറ്റ് മാത്രമാണു വന്ദേഭാരത് എടുക്കുന്നത്. ശരാശരി വേഗം 86.57 കിമീ. 130 കിലോമീറ്റര് വേഗം സാധ്യമാകുന്ന പാതകളും കുറഞ്ഞ സ്റ്റോപ്പുകളുമാണു ഈ ശരാശരി വേഗം കിട്ടാന് കാരണം. തിരുപ്പൂര് 2 മിനിറ്റ്, ഈറോഡ് 3 മിനിറ്റ്, സേലം2 മിനിറ്റ് എന്നിങ്ങനെയാണു സ്റ്റോപ്പുകള്.
കേരളത്തില് എല്ലാ സ്റ്റോപ്പും 3 മിനിറ്റാണ്. ഓട്ടമാറ്റിക് വാതിലുകള് അടയാനും തുറക്കാനും വേണ്ട സമയം കൂടി ചേര്ത്താണു 3 മിനിറ്റ് നിശ്ചയിച്ചിരിക്കുന്നത്. ചെങ്ങന്നൂരും ഷൊര്ണൂരുമാണ് സ്റ്റോപ്പുകള് ലഭിക്കാന് എന്തെങ്കിലും സാധ്യതയുളള 2 സ്റ്റേഷനുകള്. എന്നാല് 4 സ്റ്റേഷനുകളില് കൂടി നിര്ത്തണമെന്നാണ് ആവശ്യം ഉയരുന്നത്. എന്തായാലും സഖാക്കള് ഒരറ്റത്ത് കെ റെയിലാണ് കേമമെന്ന പ്രചരണം നടത്തുകയാണ്. പക്ഷെ എവിടെ കെ റെയില് എന്ന് ചോദിച്ചാല് ഉത്തരമില്ല.
" f
https://www.facebook.com/Malayalivartha