സി.പി.ഐ സംസ്ഥാന കണ്ട്രോള് കമീഷന് അംഗവും ഓയില് പാം ഇന്ത്യ ലിമിറ്റഡ് ചെയര്മാനുമായ റാന്നി ഇടമണ് അരീകുഴി തടത്തില് എം.വി വിദ്യാധരന് അന്തരിച്ചു
സി.പി.ഐ സംസ്ഥാന കണ്ട്രോള് കമീഷന് അംഗവും ഓയില് പാം ഇന്ത്യ ലിമിറ്റഡ് ചെയര്മാനുമായ റാന്നി ഇടമണ് അരീകുഴി തടത്തില് എം.വി വിദ്യാധരന് (62) അന്തരിച്ചു.
ഇന്ന് രാവിലെ 8.45ന് ചെങ്ങന്നൂര് കല്ലിശേരിയിലുള്ള സ്വകാര്യ ആശുപത്രിയില് വെച്ചായിരുന്നു അന്ത്യമുണ്ടായത്. നിലവില് എ.ഐ.ടി.യു.സി ദേശീയ കൗണ്സില് അംഗവും സംസ്ഥാന ട്രഷററും ജില്ലാ പ്രസിഡന്റുമാണ്. എ.ഐ.വൈ.എഫിലൂടെ പൊതുരംഗത്ത് എത്തിയ വിദ്യാധരന് 1978ല് സി.പി.ഐയില് ചേര്ന്നു.
സി.പി.ഐ വെച്ചൂച്ചിറ, നാറാണംമൂഴി ലോക്കല് കമ്മിറ്റികളുടെ സെക്രട്ടറിയായിരുന്നു. സി.പി.ഐ റാന്നി മണ്ഡലം സെക്രട്ടറി, ജില്ലാ അസി: സെക്രട്ടറി, സംസ്ഥാന കൗണ്സിലംഗം, എ.ഐ.ടി.യു.സി ജില്ലാ സെക്രട്ടറി, റാന്നി താലൂക്ക് വികസന സമിതി അംഗം, ഹോസ്പിറ്റല് വികസന സമിതി അംഗം, റാന്നി താലൂക്ക് ലൈബ്രറി കൗണ്സില് പ്രസിഡന്റ് എന്നീ നിലകളിലും പ്രവര്ത്തിച്ചു. നിരവധി ബഹുജന സംഘടന ഭാരവാഹിയാണ്. സംസ്കാരം പിന്നീട് നടക്കും.
" f
https://www.facebook.com/Malayalivartha
