പോസ്റ്റിട്ട് എയറില്‍ക്കേറുന്നത് സിപിഎമ്മിന്റെ സ്ഥിരം ഏര്‍പ്പാടാണ്. ഇപ്പോള്‍ മന്ത്രി ശിവന്‍കുട്ടി ചോദിച്ച് മേടിച്ചു. മൂപ്പര്‍ ഒരു പോസ്റ്റ് പങ്കുവെച്ചു. എഎ റഹിം മുന്‍പ് പോസ്റ്റ് ചെയ്ത ജൂണ്‍ 26 ലോക ലഹരി വിരുദ്ധ ദിനം എന്ന പോസ്റ്റ് പങ്കുവെച്ചാണ് ശിവന്‍ കുട്ടി രംഗത്ത് വന്നത്. ചിത്രത്തില്‍ ഒരു മദ്യക്കുപ്പി പിന്നെ പുകപടലം. ചുമ്മാതല്ല ഡിവൈഎഫ്‌ഐക്കാരോട് ഇത്ര കലിപ്പെന്നൊരു തള്ള് വാചകവും. ഇതിന് താഴെ പൊങ്കാലയോട് പൊങ്കാല. കള്ള് വിറ്റ് ഭരണം നടത്തുന്നവര്‍ തന്നെ ഇത് പറയണെന്നാണ് ശിവന്‍കുട്ടിക്കുള്ള മറുപടി. അല്ല സാര്‍ ബിവറേജില്‍ നിങ്ങല്‍ പാലാണോ കൊടുക്കുന്നത്. മറുപടി കിട്ടിയാല്‍ കൊള്ളാമായിരുന്നു. പിന്നെ ഡിവൈഎഫ്‌ഐയുടെ കപട മുഖം അത് അവര്‍ തന്നെ വലിച്ച് കീറിയിട്ടുണ്ടല്ലോ. ഒരുവഴിക്കൂടെ ലഹരി വിരുദ്ധ ക്യാമ്പെയ്ന്‍ നടത്തും അതേ ഡിവൈഎഫ്‌ഐ വൈകിട്ട് അടിച്ച് കോണ്‍ തെറ്റി കൂട്ടിയിട്ട് കത്തിച്ച് വലിച്ച് നടക്കും. ഇതാണ് കേരളത്തിലെ ഡിവൈഎഫ്‌ഐ മാതൃകയെന്നാണ് പൊങ്കാല. ഇതിപ്പോള്‍ കിട്ടിയില്ലെങ്കില്‍ ചോദിച്ച് മേടിക്കാന്‍ നടക്കുകയാണ് ശിവന്‍കുട്ടി.

സിപിഎമ്മുകാര്‍ ഉള്‍പ്പെട്ട ലഹരിക്കടത്തിന്റെയും ഇടപാടുകളുടേയും വാര്‍ത്തകള്‍ പുറത്ത് വന്നതൊന്നും സഖാവ് സിവന്‍ കുട്ടി കണ്ടില്ലേയെന്ന ചോദ്യം ഉയരുന്നു. പുകയില കടത്തിന് ഒത്താശ നിന്ന സിപിഎമ്മുകാരന്‍ ഒരുത്തനുണ്ടല്ലോ അവന്റെ പേരെന്തുവാ സഖാവേന്നും ചോദ്യം. ആലപ്പുഴ കരുനാഗപ്പള്ളിയില്‍ ലഹരിക്കടത്ത് പ്രതിയുമൊത്ത്‌സിപിഎം നേതാവിന്റെ പിറന്നാള്‍ ആഘോഷം. ഇതേ ആലപ്പുഴയില്‍ ലഹരിക്കടത്തിന് ഡിവൈഎഫ്‌ഐ നോക്കള്‍ ഉള്‍പ്പെടെ 3 പേര്‍ക്കെതിരെ സിപിഎം നടപടി എടുത്തത്. ലഹരിക്കടത്ത് സംഭവത്തില്‍ സിപിഎം കൗണ്‍സിലര്‍ ഷാനവാവാസ് പ്രതിയായത്. സിപിഎമ്മുകാര്‍ ഉള്‍പ്പെട്ട 45 ലക്ഷത്തിന്റെ ലഹരിക്കടത്ത് നടന്നതും ആലപ്പുഴയില്‍. പുന്നപ്രവയലാറിന്റെ മണ്ണിനെ സിപിഎമ്മുാകരും ഡിവൈഎഫ്‌ഐഎസ്എഫ്‌ഐക്കാര്‍ ചേര്‍ന്ന് ലഹരികേന്ദ്രമാക്കി മാറ്റിയത്. ആലപ്പുഴയില്‍ മാത്രമല്ല കൊച്ചിയിലും മറ്റ് പലയിടങ്ങളിലും സഖാക്കള്‍ ലഹരി സംഘങ്ങള്‍ക്ക് ഒത്താശ നില്‍ക്കുന്നതിന്റെ വിവരങ്ങള്‍ പുറത്ത് വന്നിട്ടുണ്ട്. ആദ്യം ഇവരെ നന്നാക്ക് എന്നിട്ടാകാം പുറത്തുള്ളവരെ.

പിന്നെ കേരളത്തില്‍ മദ്യപ്പുഴയൊഴുക്കി കോടികള്‍ കൊയ്യുന്നൊരു സര്‍ക്കാരല്ലെ ഇരിക്കുന്നത്. കൂടുതല്‍ ചോദ്യമൊന്നൂല്ല മദ്യം നിരോധിക്കാന്‍ പറ്റുമോ സാര്‍ എന്ന് ശിവന്‍കുട്ടിക്ക് നേരെ ചോദ്യശരങ്ങള്‍. ബാറുകള്‍ അടച്ചുപൂട്ടുമെന്ന് പറഞ്ഞ് അധികാരത്തില്‍ കയറിയ പിണറായി സര്‍ക്കാര്‍ യുഡിഎഫ് സര്‍ക്കാര്‍ പൂട്ടിച്ച ബാറുകള്‍ തുറന്നെന്ന് മാത്രമല്ല കുടിയന്മാര്‍ക്കായ് ഇപ്പോള്‍ മുക്കിന് മുക്കിന് ബിവറേജസ് ഔട്ട്‌ലെറ്റുകള്‍ തുറക്കുന്നു. എന്നിട്ട് ഇതേ സര്‍ക്കാര്‍ തന്നെ ലഹരി വിരുദ്ധ ക്യാമ്പെയ്‌നും ഡീ അഡിക്ഷന്‍ സെന്ററുകളും തുറക്കുന്നു. ഉപദേശവും മറ്റേ പരിപാടിയും കൂടി ഒരുമിച്ച് ഇറക്കല്ലേ സര്‍ക്കാരെയെന്നാണ് പൊങ്കാല വരുന്നത്. എന്ത് പ്രഹസനമാണ് സര്‍ക്കാരെയിത്. നിങ്ങള്‍ ലഹരിക്കെതിരെയെന്ന് കവലപ്രസംഗം നടത്തുന്നു. അതേ നിങ്ങള്‍ തന്നെ ലഹരി ഉപയോഗത്തിന് അവസരം ഉണ്ടാക്കി കൊടുക്കുന്നു. ശിവന്‍ കുട്ടി ആശാന്‍ ആദ്യം മുഖ്യമന്ത്രിയോട് ബാറുകളും ബിവറേജ്‌സ് ഔട്ട്‌ലെറ്റുകളും പൂട്ടാന്‍ പറ. അങ്ങനെ മാതൃക കാണിച്ചിട് വന്ന് നിന്ന് പ്രസംഗിച്ചാല്‍ പോരെ. പറയുന്നതിന് നേര്‍വിപരീതം കാണിക്കുന്നതും നിങ്ങള്‍ എന്നിട് വലിയ കേമത്തം വിളമ്പുന്നതും നിങ്ങള്‍. കേരളത്തില്‍ കുടിയന്മാര്‍ മദ്യത്തില്‍ കിടന്ന് ആറാടുകയാണ്. ആരാണ് ഇതിന് അവസരം ഒരുക്കുന്നത്. അതിര്‍ത്തി കടന്നെത്തുന്ന പുകയില മാരക ലഹരി ഉല്പന്നങ്ങള്‍ തടയാന്‍ ഈ സര്‍ക്കാരിന് സാധിക്കുന്നില്ല. ലഹരിക്കടത്തിന് കൂട്ടുനില്‍ക്കുന്നവര്‍ വരെ പാര്‍ട്ടിയിലുണ്ട്. കേരളത്തിലെ യുവതയെ മരണത്തിന്റെ വക്കിലെത്തിക്കുന്ന മാരക ലഹരികള്‍ കേരളത്തില്‍ സുലഭം. കൊച്ചുകുട്ടികള്‍ പോലും ലഹരിക്ക് അടിമകള്‍. എന്ത് നടപടിയാണ് അധികാര കസേരയില്‍ ഇരുന്നിട്ട് നിങ്ങള്‍ ചെയ്യുന്നത്. ലഹരിക്കെതിരെ കൈകോര്‍ത്തു പിടിച്ച് പൊരുതാം എന്നും പറഞ്ഞ് സഖാക്കളെല്ലാരും കൈ കോര്‍ത്തു പിടിച്ച് നിന്ന് പ്രഹസനം കാണിച്ചിട്ട് കാര്യമില്ല. കൃത്യമായ നടപടി ഉണ്ടാകണം.