കുപ്രസിദ്ധ ഗുണ്ടയും ലഹരി മാഫിയ തലവനുമായ 'കമ്പി റാഷിദ്' എന്ന് വിളിപ്പേരുള്ള നെടുമങ്ങാട് സ്വദേശി മുഹമ്മദ് റാഷിദ് എക്സൈസ് പിടിയില്
കുപ്രസിദ്ധ ഗുണ്ടയും ലഹരി മാഫിയ തലവനുമായ 'കമ്പി റാഷിദ്' എന്ന് വിളിപ്പേരുള്ള നെടുമങ്ങാട് സ്വദേശി മുഹമ്മദ് റാഷിദ് എക്സൈസ് പിടിയില്.
നെടുമങ്ങാട് എക്സൈസ് സര്ക്കിള് ഇന്സ്പെക്ടര് ബി.ആര്.സുരൂപിന്റെ നേതൃത്വത്തിലാണ് ഇയാളെ ലഹരി മരുന്നും, മാരക ആയുധങ്ങളുമായി അറസ്റ്റ് ചെയ്തത്. അഞ്ച് പോളിത്തീന് കവറുകളിലായി വില്പനയ്ക്ക് സൂക്ഷിച്ചിരുന്ന 17.21 ഗ്രാം എംഡിഎംഎയും 50 ഗ്രാം കഞ്ചാവും 6000/ രൂപയും, വടിവാള്, എയര്ഗണ് ഉള്പ്പെടെയുള്ള മാരക ആയുധങ്ങളും, മൊബൈല് ഫോണും കസ്റ്റഡിയില് എടുത്തു.
വെമ്പായം, തേക്കട, വെഞ്ഞാറമൂട്, കന്യാകുളങ്ങര, വട്ടപ്പാറ തുടങ്ങിയ മേഖലകളില്, എംഡിഎംഎ ഉള്പ്പെടെയുള്ള, സിന്തറ്റിക് ഡ്രഗ്സ് വില്പന നടത്തുന്ന ഗ്യാംഗിന്റെ പ്രധാനിയാണ് അറസ്റ്റിലായ റാഷിദ്. കൊമേഷ്യല് ക്വാണ്ടിറ്റി എംഡിഎംഎ കൈവശം വയ്ക്കുന്നത് 20 വര്ഷം വരെ തടവ് ശിക്ഷ ലഭിക്കാവുന്ന കുറ്റമാണ്.
https://www.facebook.com/Malayalivartha
