കൊല്ലം ജില്ലാ ആശുപത്രിയില് 163 കോടി രൂപയുടെ വികസന പ്രവര്ത്തനങ്ങളാണ് നടക്കുക; നിര്മാണ പ്രവര്ത്തനങ്ങളില് മാത്രമല്ല എല്ലാ മേഖലയിലും സര്ക്കാര് ഇടപെടല് നടത്തുന്നുണ്ട്; ആധുനിക സൗകര്യങ്ങള് സജ്ജമാക്കാന് കൊട്ടാരക്കര താലൂക്ക് ആശുപത്രിയില് 85 കോടി രൂപയുടെ വികസന പ്രവര്ത്തനങ്ങള് നടക്കുമെന്ന് ധനമന്ത്രി കെ എന് ബാലഗോപാല്
ആധുനിക സൗകര്യങ്ങള് സജ്ജമാക്കാന് കൊട്ടാരക്കര താലൂക്ക് ആശുപത്രിയില് 85 കോടി രൂപയുടെ വികസന പ്രവര്ത്തനങ്ങള് നടക്കുമെന്ന് ധനമന്ത്രി കെ എന് ബാലഗോപാല് പറഞ്ഞു. വെട്ടിക്കവല ബ്ലോക്ക് പഞ്ചായത്തിന്റെ ആഭിമുഖ്യത്തില് സംഘടിപ്പിച്ച വയോജനങ്ങള്ക്കുള്ള ആയുര്വേദ മരുന്ന് വിതരണം ഉദ്ഘാടനം ചെയ്യുകയായിരുന്നു മന്ത്രി. കൊല്ലം ജില്ലാ ആശുപത്രിയില് 163 കോടി രൂപയുടെ വികസന പ്രവര്ത്തനങ്ങളാണ് നടക്കുക. നിര്മാണ പ്രവര്ത്തനങ്ങളില് മാത്രമല്ല എല്ലാ മേഖലയിലും സര്ക്കാര് ഇടപെടല് നടത്തുന്നുണ്ട്.
ബുദ്ധിമുട്ടുകള്ക്കിടയിലും വിഷുവിന് ക്ഷേമപെന്ഷന് വിതരണം ചെയ്തു. 60 ലക്ഷത്തില്പ്പരം ആളുകള്ക്കാണ് സംസ്ഥാന സര്ക്കാര് ക്ഷേമപെന്ഷന് നല്കുന്നത് വയോജനങ്ങളോടുള്ള സര്ക്കാരിന്റെ കരുതലിന്റെ തെളിവാണിത്. പ്രധാനമന്ത്രി ഉദ്ഘാടനം ചെയ്യാന് പോകുന്ന വാട്ടര് മെട്രോയും തറക്കല്ലിടുന്ന ഡിജിറ്റല് സയന്സ് പാര്ക്കും കേരളത്തിന്റെ വികസനത്തിന്റെ നേര്ക്കാഴ്ചകളാണെന്നും മന്ത്രി പറഞ്ഞു.
വെട്ടിക്കവല ബ്ലോക്ക് പഞ്ചായത്ത് പ്രസിഡന്റ് കെ ഹര്ഷകുമാര് അധ്യക്ഷത വഹിച്ചു. മൈലം ഗ്രാമപഞ്ചായത്ത് പ്രസിഡന്റ് ബിന്ദു ജി നാഥ്, ജില്ലാ പഞ്ചായത്ത് അംഗം ആര് രശ്മി, തദ്ദേശ സ്വയംഭരണ സ്ഥാപന ജനപ്രതിനിധികളായ എ അജി, ബെച്ചി ബി മലയില്, മിനി, ബെന്സി, എസ് രഞ്ജിത് കുമാര്, എസ് ശ്രീകല, സി പ്രസന്നന് തുടങ്ങിയവര് സംസാരിച്ചു.
https://www.facebook.com/Malayalivartha
