പൂജ കഴിഞ്ഞ് പൂജാരി താക്കോല്‍ എടുക്കാന്‍ മറന്നു.... വന്‍ കവര്‍ച്ച... അന്വേഷണം ആരംഭിച്ച് പോലീസ് .വടകര കോട്ടപ്പള്ളി സുബ്രഹ്മണ്യ ക്ഷേത്രത്തിലാണ് വന്‍ കവര്‍ച്ച നടന്നത്.

സ്വര്‍ണ കിരീടം, മാല, വേല്‍, 10,000 രൂപ ഉള്‍പ്പെടെ നഷ്ടപ്പെട്ടു. ഒരു ഭണ്ഡാരം പൊളിച്ചു ഇതിലെ പണവും മോഷ്ടിച്ച നിലയിലാണ്. മറ്റൊരു ഭണ്ഡാരം പൊളിക്കാന്‍ ശ്രമിച്ച നിലയിലുമാണ്. ഒരു ലക്ഷം രൂപയുടെ നഷ്ടമാണ് കണക്കാക്കുന്നത്. പൂജ കഴിഞ്ഞ് പൂജാരി താക്കോല്‍ ക്ഷേത്രത്തില്‍ തന്നെ വച്ചിരുന്നു.

ഇതുപയോഗിച്ചാണ് കവര്‍ച്ച നടത്തിയത്. ക്ഷേത്രത്തിന്റെ നവീകരണ പ്രവൃത്തികള്‍ നടക്കുന്നുണ്ട്. അതിനിടെയാണ് മോഷണം നടന്നത്. ക്ഷേത്ര കമ്മിറ്റി നല്‍കിയ പരാതിയില്‍ പൊലീസ് അന്വേഷണം തുടങ്ങി. ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി തെളിവുകള്‍ ശേഖരിക്കുകയും ചെയ്തു.