തിരുവനന്തപുരത്ത് റോഡിലെ കുഴിയില്പെടാതിരിക്കാന് വെട്ടിത്തിരിച്ച ഓട്ടോറിക്ഷ ഇടിച്ച് ബൈക്ക് യാത്രികന് ഗുരുതര പരുക്ക്....
തിരുവനന്തപുരത്ത് റോഡിലെ കുഴിയില്പ്പെടാതിരിക്കാന് വെട്ടിത്തിരിച്ച ഓട്ടോറിക്ഷ ഇടിച്ച് ബൈക്ക് യാത്രികന് ഗുരുതര പരുക്ക്. അപകടത്തില് ഗുരുതരമായി പരുക്കേറ്റവര് അര മണിക്കൂറോളം റോഡില് കിടക്കേണ്ടി വന്നതായി നാട്ടുകാര് പറയുന്നത്. ഇന്നലെ രാത്രി മഞ്ചാടിമൂട് - അഴുര് റോഡിലായിരുന്നു അപകടമുണ്ടായത്.
റോഡിലെ കുഴിയില്പ്പെടാതിരിക്കാനായി വെട്ടിത്തിരിച്ച ഓട്ടോറിക്ഷ നിയന്ത്രണം വിട്ട് എതിര്ദിശയില് വന്ന ബൈക്കില് ഇടിക്കുകയായിരുന്നു. അപകടത്തില് പരുക്കേറ്റവര് അര മണിയ്ക്കൂറോളം റോഡില് ചോരവാര്ന്ന് കിടന്നതിനേ തുടര്ന്ന് 108 ആംബുലന്സ് എത്തിയാണ് ഇരുവരെയും മെഡിക്കല് കോളേജ് ആശുപത്രിയിലാക്കിയത്.
കഴിഞ്ഞ മൂന്ന് മാസങ്ങള്ക്കിടെ ഈ കുഴിയില് വീണ് നിരവധി അപകടങ്ങളാണ് സംഭവിച്ചിട്ടുള്ളതെന്ന് നാട്ടുകാര് പറയുന്നു. റോഡ് നന്നാക്കണമെന്ന ആവശ്യം പ്രദേശവാസികളില് നിന്നും, യാത്രികരില് നിന്നും വളരെ നാളുകളായി ഉയരുന്നു.
"
https://www.facebook.com/Malayalivartha
