കുരുന്നുകളുടെ സുരക്ഷ ഉറപ്പുവരുത്താനുറച്ച് മോട്ടോര്വാഹനവകുപ്പ്
ജൂണ് ഒന്നിന് സ്കൂള് തുറക്കുകയാണ്. കുട്ടികള് തിരികെ സ്കൂളില് എത്തുന്നതോടൊപ്പം അവരുടെ യാത്രയും അത്രതന്നെ പ്രധാനമാണ്. കുരുന്നുകളുടെ സുരക്ഷ ഉറപ്പുവരുത്താനുറച്ച് മോട്ടോര്വാഹനവകുപ്പ്. സ്കൂള്ബസുകളുടെ സുരക്ഷാ പരിശോധന കര്ശനമാക്കി. 'സേഫ് സ്കൂള് ബസ്' എന്നപേരിലാണ് പ്രത്യേക പരിശോധന. കൃത്യമായ അറ്റകുറ്റപ്പണി, വൃത്തി, യന്ത്രഭാഗങ്ങളുടെയും വേഗപ്പൂട്ടിന്റെയും പ്രവര്ത്തനം, അഗ്നിരക്ഷാസംവിധാനം, പ്രഥമശുശ്രൂഷാ കിറ്റ്, ജി.പി.എസ്. എന്നിവയാണ് പ്രധാനമായും നോക്കുന്നത്.
ബസുകള് ഫിറ്റ്നസ് പരിശോധനയ്ക്കായി കൊണ്ടുവരുമ്പോള് പുതിയ ടയറും വേഗപ്പൂട്ടും യന്ത്രഭാഗങ്ങളും സ്ഥാപിക്കുകയും പരിശോധനയ്ക്കുശേഷം അവ നീക്കംചെയ്ത് ഓടിക്കുകയും ചെയ്യുന്നത് തടയാന് ഇടവേളകളില് പരിശോധന കര്ശനമാക്കും
ഫിറ്റ്നസ് പരിശോധന പൂര്ത്തിയാക്കാത്ത ഒരു സ്കൂള്വാഹനവും നിരത്തിലിറക്കാന് അനുവദിക്കില്ല. കഴിഞ്ഞ വര്ഷം സ്കൂള് ബസ് അപകടത്തില്പ്പെട്ട് നിരവധി അപകടങ്ങള് ഉണ്ടായതോടെയാണ് മോട്ടോര്വാഹനവകുപ്പ് സ്കൂള് തുറക്കുന്നതിന് മുന്പ് തന്നെ പരിശോധനകള് കര്ശനമാക്കിയത്.
https://www.facebook.com/Malayalivartha
