ആ പൂതി നടക്കില്ല സഹോ... കര്ണാടക സത്യപ്രതിജ്ഞാ ചടങ്ങില് പിണറായി ഒഴികെ ബിജെപി ഇതര മുഖ്യമന്ത്രിമാര്ക്ക് ക്ഷണം; കേരളത്തില് ഭരണത്തിലേറാന് കാത്തിരിക്കുന്ന കോണ്ഗ്രസിന് പിണറായിയെ വിളിക്കാന് ഭയം; പിന്നില് വേണുഗോപാല് ഉള്പ്പെടെയുള്ളവര്
ഈ പിണറായി വിജയനോട് മാത്രം കര്ണാടകയ്ക്ക് എന്താണിത്ര വിരോധം എന്ന് ചോദിക്കരുത്. തൊട്ടടുത്താണ് കേരളം. കീരിയും പാമ്പുമാണ് കോണ്ഗ്രസുകാരും കമ്മ്യൂണിസ്റ്റുകാരും. ഇനി പിണറായി കര്ണാടകയിലെത്തിയാല് കോണ്ഗ്രസിന് കേരളത്തില് അവസരം നഷ്ടപ്പെടുമെന്ന് പലരും ചിന്തിക്കുന്നു. വേണുഗോപാല് ഉള്പ്പെടെയുള്ളവര് അവസാനം പിണറായിയെ തഴഞ്ഞു.
കര്ണാടകത്തില് കോണ്ഗ്രസ് സര്ക്കാരിന്റെ സത്യപ്രതിജ്ഞാ ചടങ്ങില് ബിജെപി ഇതര മുഖ്യമന്ത്രിമാരെ ക്ഷണിക്കാന് കോണ്ഗ്രസ് നേതൃത്വം തീരുമാനിച്ചു. എന്നാല് ബിജെപിക്ക് പുറമെ, കേരളം ഭരിക്കുന്ന സിപിഎം മുഖ്യമന്ത്രി പിണറായി വിജയനും സത്യപ്രതിജ്ഞാ ചടങ്ങിലേക്ക് ക്ഷണമില്ല.
മറ്റ് കോണ്ഗ്രസ് മുഖ്യമന്ത്രിമാര്ക്ക് പുറമെ ജാര്ഖണ്ഡ് മുഖ്യമന്ത്രി ഹേമന്ത് സോറന്, തമിഴ്നാട് മുഖ്യമന്ത്രി എംകെ സ്റ്റാലിന്, തെലങ്കാന മുഖ്യമന്ത്രി കെ ചന്ദ്രശേഖര് റാവു, പശ്ചിമ ബംഗാള് മുഖ്യമന്ത്രി മമത ബാനര്ജി, ഒഡീഷ മുഖ്യമന്ത്രി നവീന് പട്നായിക് എന്നിവരെയും സത്യപ്രതിജ്ഞാ ചടങ്ങിലേക്ക് ക്ഷണിക്കും. സമാജ്വാദി പാര്ട്ടി അധ്യക്ഷന് അഖിലേഷ് യാദവ്, എന്സിപി അധ്യക്ഷന് ശരദ് പവാര്, മഹാരാഷ്ട്ര മുന് മുഖ്യമന്ത്രി ഉദ്ധവ് താക്കറെ, ബിഹാര് ഉപ മുഖ്യമന്ത്രി തേജസ്വി യാദവ്, ജമ്മു കശ്മീരിലെ നാഷണല് കോണ്ഫറന്സ് മേധാവി ഫാറൂഖ് അബ്ദുള്ള, എന്നിവരെയും ക്ഷണിച്ചിട്ടുണ്ട്.
നിയമസഭാ കക്ഷി യോഗ ശേഷം നിയുക്ത മുഖ്യമന്ത്രി സിദ്ധരാമയ്യയും നിയുക്ത ഉപമുഖ്യമന്ത്രി ഡികെ ശിവകുമാറും രാജ്ഭവനിലേക്ക് പോയി സര്ക്കാര് രൂപീകരിക്കാന് അവകാശ വാദം ഉന്നയിക്കും.
അരവിന്ദ് കെജ്രിവാളിനും പിണറായി വിജയനും ഇതുവരെ ക്ഷണമില്ല. അതേസമയം സിപിഎം ജനറല് സെക്രട്ടറി സീതാറാം യെച്ചൂരിയെയും സിപിഐ നേതാവ് ഡി രാജയെയും കോണ്ഗ്രസ് ദേശീയ അധ്യക്ഷന് മല്ലികാര്ജ്ജുന് ഖര്ഗെ ക്ഷണിച്ചു.
സിദ്ധരാമയ്യയെ കര്ണ്ണാടക മുഖ്യമന്ത്രിയായി കോണ്ഗ്രസ് നേതൃത്വം ഇന്നലെയാണ് പ്രഖ്യാപിച്ചത്. ഡികെ ശിവകുമാര് സംസ്ഥാനത്തെ ഏക ഉപമുഖ്യമന്ത്രിയാകും. പാര്ലമെന്റ് തെരഞ്ഞെടുപ്പ് വരെ ഡികെ ശിവകുമാര് പിസിസി പ്രസിഡന്റായി തുടരുമെന്നും എഐസിസി ജനറല് സെക്രട്ടറി കെസി വേണുഗോപാല് പറഞ്ഞു. അങ്ങനെ നാല് ദിവസം നീണ്ടു നിന്ന അനിശ്ചിതത്വത്തിനും മാരത്തണ് ചര്ച്ചകള്ക്കും വിരാമമായി. മറ്റന്നാളാണ് സത്യപ്രതിജ്ഞ. രണ്ടരവര്ഷം വീതമുള്ള ടേം വ്യവസ്ഥയാണ് നിലവിലുള്ളത്.
ഉപമുഖ്യമന്ത്രി പദത്തിന് പുറമെ ആഭ്യന്തരം, ഊര്ജ്ജം, ജലശക്തിയടക്കം നിര്ണ്ണായക വകുപ്പുകളും ഡികെ ശിവകുമാറിന് നല്കും എന്നാണ് വിവരം. എന്നാല് ടേം വ്യവസ്ഥ അടക്കമുള്ള കാര്യങ്ങള് കോണ്ഗ്രസ് നേതൃത്വം പരസ്യപ്പെടുത്തിയിട്ടില്ല. ദില്ലി കേന്ദ്രീകരിച്ച് നടന്ന നാടകീയത തീര്ന്ന് വീണ്ടും കര്ണാടകത്തിലേക്ക് തന്നെ രാഷ്ട്രീയ ചര്ച്ചകള് കേന്ദ്രീകരിക്കുകയാണ്.
കെ സി വേണുഗോപാലും രണ്ദീപ് സിംഗ് സുര്ജേവാലയും ചേര്ന്നാണ് വാര്ത്താസമ്മേളനത്തില് മുഖ്യമന്ത്രിയായി സിദ്ധരാമയ്യയെ ഔദ്യോഗികമായി പ്രഖ്യാപിച്ചത്. ഏക ഉപമുഖ്യമന്ത്രിയായി ഡി കെ ശിവകുമാറിനെയും തീരുമാനിച്ചു. ആഭ്യന്തര വകുപ്പുകളടക്കമുള്ള സുപ്രധാന വകുപ്പുകളാണ് ഡി കെ ശിവകുമാറിന് നല്കിയിരിക്കുന്നത്. കൂടാതെ അടുത്ത ലോക്സഭാ തെരഞ്ഞെടുപ്പ് വരെ കര്ണാടക പിസിസി അധ്യക്ഷനായി ഡികെ തുടരും. പ്രഖ്യാപനം വരുന്നതോടെ വലിയ ആഘോഷത്തിലാണ് പ്രവര്ത്തകര്.
സിദ്ധരാമയ്യയുടെ കട്ടൌട്ടില് പാലഭിഷേകം നടത്തിയും മധുരം വിതരണം ചെയ്തുമാണ് പ്രവര്ത്തകര് തങ്ങളുടെ നേതാവിന്റെ മുഖ്യമന്ത്രി പദം ആഘോഷിക്കുന്നത്. ഇത് തന്റെ അവസാന പോരാട്ടമാണെന്ന് പ്രഖ്യാപിച്ചായിരുന്നു ഇത്തവണ സിദ്ധരാമയ്യ തെരഞ്ഞെടുപ്പിനെ നേരിട്ടത്. അതുകൊണ്ടുതവന്ന മുഖ്യമന്ത്രി സ്ഥാനവും സിദ്ധരാമയ്യ ആവശ്യപ്പെട്ടു. എന്നാല് കര്ണാടക കോണ്ഗ്രസിനെ വിജയത്തിലേക്ക് നയിച്ച ഡികെ ശിവകുമാര് കൂടി മുഖ്യമന്ത്രി സ്ഥാനത്തിനായി ആവശ്യമുന്നയിച്ചതോടെ തീരുമാനം ഹൈക്കമാന്ഡിലേക്ക് നീങ്ങി. രാഹുല് ഗാന്ധിയുടെയും മല്ലികാര്ജുന് ഖര്ഗെയുടെയും നേതൃത്വത്തില് തുടര്ച്ചയായ ചര്ച്ചകള്, കെസി വേണുഗോപാലിന്റെയും രണ്ദീപ് സിംഗ് സുര്ജെവാലയുടെയുെം അനുനയശ്രമങ്ങള് എല്ലാം ഫലം കാണാതെ വന്നപ്പോള് ഒടുവില് സോണിയാഗാന്ധിയുടെ ഇടപെടല്. അവസാനം മുഖ്യമന്ത്രിയായി സിദ്ധരാമയ്യയെയും ഉപമുഖ്യമന്ത്രിയായി ഡി കെ ശിവകുമാറിനെയും തെരഞ്ഞെടുത്ത തീരുമാനത്തിന് ഇരുവരുടെയും അംഗീകാരം.
"
https://www.facebook.com/Malayalivartha
