കെട്ടിയിട്ടുള്ള പീഡനത്തിന് ഇരയായ രണ്ടു ഹൈസ്‌കൂള്‍ വിദ്യാര്‍ത്ഥിനികളെ ശരത് വശീകരിച്ച ശേഷം കൂട്ടുകാര്‍ക്ക് കാഴ്ചവച്ചതാണെന്ന് വിലയിരുത്തല്‍. ശരത്തിന് ഈ പെണ്‍കുട്ടിയുടെ അമ്മയുമായുള്ള ബന്ധമാണ് ഈ നിലയിലേക്കെത്തിച്ചത്.
ഇതില്‍ ഒരു പെണ്‍കുട്ടിയുടെ മാതാവിനെ ശരത്തിനു നേരത്തേ പരിചയമുണ്ടായിരുന്നു.
സല്‍സ്വഭാവിയായി അഭിനയിച്ച ശരത് ഭാഗവത പാരായണത്തില്‍ തല്‍പരയായ അവരോട് ആധ്യാത്മിക കാര്യങ്ങളില്‍ സംശയങ്ങള്‍ ചോദിക്കുക പതിവായിരുന്നു. പിന്നീട് തന്ത്രപൂര്‍വം പെണ്‍കുട്ടിയുമായി അടുക്കുകയും തന്റെ സുഹൃത്തുക്കളെ പരിചയപ്പെടുത്തുകയും ചെയ്തു. പെണ്‍കുട്ടിയുടെ ഫോണ്‍നമ്പറും യുവാക്കള്‍ കൈക്കലാക്കി. തുടര്‍ന്നായിരുന്നു വശീകരണം. മൊബൈല്‍ ഫോണ്‍ വഴി പെണ്‍കുട്ടിയുമായി സംസാരം പതിവാക്കി. ഇടയ്ക്ക് ഇവര്‍ പെണ്‍കുട്ടിയുടെ വീട്ടില്‍ എത്താറുമുണ്ടായിരുന്നു. ഇതിനിടെ കടമ്പനാട് സ്വദേശിയായ പെണ്‍കുട്ടിയെയും വലയില്‍ വീഴ്ത്തി. ഇതാണ് വള്ളിക്കാവിലെ പീഡനത്തിലേക്ക് കാര്യങ്ങള്‍ എത്തിച്ചത്.
പീഡനത്തിന് ഇരയായ പെണ്‍കുട്ടികളില്‍ ഒരാളെ കടമ്പനാട് കവലയില്‍ നിന്നും അടുത്തയാളെ ഇടയ്ക്കാട് വീട്ടില്‍ നിന്ന് മാതാവിന്റെ സമ്മതത്തോടെയുമാണ് പ്രതികള്‍ കൂട്ടിക്കൊണ്ടു പോയത്. ഇതിനാലാണ് ഏനാത്ത്, ശൂരനാട് പൊലീസ് സ്‌റ്റേഷനുകളില്‍ രണ്ടു കേസ് രജിസ്റ്റര്‍ ചെയ്തത്. കരുനാഗപ്പള്ളി ആലപ്പാട് ക്ലാപ്പന ഉദയപുരത്ത് വിഷ്ണു (20), ക്ലാപ്പന തെക്കുമുറിയില്‍ കരേലിമുക്ക് ഹരിശ്രീയില്‍ ഹരിലാല്‍ (20), ക്ലാപ്പന എമ്പട്ടാഴി തറയില്‍ പുരക്കല്‍ ശ്യാംരാജ് (20), ഓച്ചിറ പായിക്കഴി പുത്തന്‍പുരക്കല്‍ തെക്കേതില്‍ അരുണ്‍ (19) എന്നിവരാണ് കടമ്പനാട് സ്വദേശിയായ പെണ്‍കുട്ടിയെ ഉപദ്രവിച്ച കേസില്‍ അറസ്റ്റിലായത്. ശൂരനാട് കുലശേഖരപുരം വള്ളിക്കാവ് രാജഭവനില്‍ രാജ്കുമാര്‍ (24), കുലശേഖരപുരം പുത്തന്‍തെരുവില്‍ പടിഞ്ഞാറ്റതില്‍ നസിം (18), കുലശേഖരപുരം പുളിതറയില്‍ രതീഷ് (29), വവ്വാക്കാവ് ഉദയപുരം വീട്ടില്‍ ശരത് (20) എന്നിവരാണ് ഇടയ്ക്കാട്ടുള്ള പെണ്‍കുട്ടിയെ ചതിയില്‍ വീഴ്ത്തിയത്.
വള്ളിക്കാവ് ചെറിയഴീക്കല്‍ ബീച്ചില്‍ കൊണ്ടുപോകാമെന്നു പറഞ്ഞ് കഴിഞ്ഞ നാലിന് സംഘത്തില്‍ ഉള്‍പ്പെട്ട വിഷ്ണുവാണ് കടമ്പനാട് സദേശിയായ പെണ്‍കുട്ടിയെ ഓട്ടോയില്‍ കയറ്റി അഴീക്കലിലെ വീട്ടില്‍ കൊണ്ടുപോയത്. ഈ പെണ്‍കുട്ടിയുമായി അടുപ്പത്തിലായിരുന്നു ഇയാള്‍. ഇടയ്ക്കാട് സ്വദേശിയായ പെണ്‍കുട്ടിയെ മൊബൈല്‍ ഫോണിലൂടെ വിളിച്ചുവരുത്തിയതും വിഷ്ണുവാണ്. വിഷ്ണുവുമായി പരിചയമുണ്ടായിരുന്ന പെണ്‍കുട്ടി ആദ്യത്തെ ദിവസം പീഡനത്തിന് ഇരയായി. ആ കുട്ടിയെ തിരിച്ചയച്ച സംഘം കൂട്ടുകാരിയെ പിറ്റേന്ന് കൊണ്ടുവന്നില്ലെങ്കില്‍ കൊല്ലുമെന്നും ദൃശ്യങ്ങള്‍ പുറത്തുവിടുമെന്നും ഭീഷണിപ്പെടുത്തി. പെണ്‍കുട്ടിയെ കൗണ്‍സിലിങിന് വിധേയയാക്കാന്‍ കൊണ്ടുപോകുകയാണെന്നു പറഞ്ഞാണ് ഇവര്‍ അടുത്ത ദിവസം ഇടയ്ക്കാട് സ്വദേശിയായ പെണ്‍കുട്ടിയുടെ വീട്ടില്‍ എത്തിയത്. യുവാക്കള്‍ക്കൊപ്പം മകളെ വിടുന്ന കാര്യത്തില്‍ മാതാവിന്റെ ഭാഗത്തു നിന്ന് എതിര്‍പ്പുണ്ടായില്ല. വള്ളിക്കാവിലെ മറ്റൊരു വീട്ടിലെത്തിച്ച ഈ പെണ്‍കുട്ടിയെ നാലു യുവാക്കള്‍ ചേര്‍ന്നാണ് ഉപദ്രവിച്ചത്. ഇവരെ ഉപയോഗിച്ച് സ്‌കൂളിലെ മറ്റു മൂന്നു പെണ്‍കുട്ടികളെ വലയില്‍ വീഴ്ത്താന്‍ നടത്തിയ നീക്കം ഫലിച്ചില്ല.
കൂടുതല്‍ പെണ്‍കുട്ടികളെ വീഴ്ത്താനും ശ്രമം നടന്നു. ഇതോടെയാണ് അദ്ധ്യാപകര്‍ കാര്യം അറിഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha