മുഖ്യമന്ത്രി പിണറായി വിജയൻ രാജ്ഭവനിലെത്തി ഗവർണറെ ക്ലിഫ്ഹൗസിൽ പ്രഭാതഭക്ഷണം കഴിക്കാൻ ക്ഷണിച്ചിരിക്കുകയാണ് . കേരളത്തിൽ സന്ദർശനത്തിനെത്തുന്ന ഉപരാഷ്ട്രപതി ജഗ്‌ദീപ് ധൻകറിനൊപ്പമാവും ഗവർണർ ക്ലിഫ്ഹൗസിലെത്തുവാനാണ് ക്ഷണിച്ചിരിക്കുന്നത് . 22ന് രാവിലെ എട്ടരയ്ക്കാണ് ഇരുവരും ക്ലിഫ്ഹൗസിൽ എത്തുന്നത് .

ബുധനാഴ്ച വൈകിട്ടായിരുന്നു മുഖ്യമന്ത്രിയെത്തിയ ഗവർണറെ ക്ഷണിച്ചത്, നിയമസഭാ മന്ദിരത്തിന്റെ സിൽവർ ജൂബിലി ആഘോഷം ഉദ്ഘാടനം ചെയ്യാനാണ് ഉപരാഷ്ട്രപതി എത്തുന്നത്. എന്തായാലും വീണ്ടും ഗവർണറെ മുഖ്യമന്ത്രി ക്ഷണിച്ചിരിക്കുകയാണ് എന്നതാണ് ശ്രദ്ധേയമായ കാര്യം.

വലിയൊരു സന്തോഷത്തിൽ നിന്നുമദ്ദേഹത്തെ മാറ്റി നിർത്തുന്നില്ല. നമുക്ക് അറിയാം ഓണാഘോഷത്തിന് ഗവർണറെ ക്ഷണിച്ചിരുന്നില്ല. അത് ഗവർണറുടെ വലിയ പരാതിയായിരുന്നു ദ്വിദിന സന്ദര്‍ശനത്തിനായാണ് ഉപരാഷ്ട്രപതി സംസ്ഥാനത്ത് എത്തുന്നത്.

ഞായറാഴ്ച തിരുവനന്തപുരത്തെത്തുന്ന ഉപരാഷ്ട്രപതി ജഗ്ദീപ് ധൻഖർ ശ്രീപത്മനാഭ സ്വാമി ക്ഷേത്രത്തില്‍ ദര്‍ശനം നടത്തും.കേരള നിയമസഭാ മന്ദിരം 25 വര്‍ഷം പൂര്‍ത്തിയാക്കുന്നതിനോട് അനുബന്ധിച്ചുള്ള ആഘോഷ പരിപാടികള്‍ ഉപരാഷ്ട്രപതി തിങ്കളാഴ്ച ഉദ്ഘാടനം ചെയ്യും.നിയമസഭയില്‍ സംഘടിപ്പിച്ച അന്താരാഷ്ട്ര പുസ്തകോത്സവം സംബന്ധിച്ച് തയ്യാറാക്കിയിട്ടുള്ള സുവനീറിന്റെ പ്രകാശനവും ഉപരാഷ്ട്രപതി നിര്‍വ്വഹിക്കും.നിയമസഭാ മന്ദിരത്തിലെ നവീകരണ പ്രവര്‍ത്തനങ്ങളുടെ ഉദ്ഘാടനവും ഇതോടനുബന്ധിച്ച് ഉപരാഷ്ട്രപതി നിര്‍വ്വഹിക്കുമെന്ന് തിരുവനന്തപുരത്ത് വാര്‍ത്താസമ്മേളനത്തില്‍ സ്പീക്കര്‍ എ എന്‍ ഷംസീര്‍ അറിയിച്ചു.