സമരക്കാര്‍ക്ക് നേരെ പാഞ്ഞടുത്ത് സെക്രട്ടേറിയറ്റ് ജീവനക്കാരി. എനിക്ക് ജോലിക്ക് പോകണം ഞാന്‍ പോകും, മാറിനില്‍ക്കടായെന്ന് ആക്രോശം. പ്രതിപക്ഷം സെക്രട്ടേറിയറ്റ് പടിക്കല്‍ നടത്തിയ സമരം ജീവനക്കാരും സമരക്കാരും തമ്മിലുള്ള കൊമ്പുകോര്‍ക്കലില്‍ കലാശിച്ചു. സമരക്കാരെ വിറപ്പിച്ച് വിരല്‍ചൂണ്ടി കട്ടക്കലിപ്പില്‍ യുവതിയുടെ ഡയലോഗ്. വിട്ടുകൊടുക്കാതെ സമരക്കാരും. ഇരുവരേയും പിടിച്ചുമാറ്റാന്‍ പോലീസിന്റെ പെടാപ്പാട്. ഏറെ നാടകീയതകള്‍ക്കാണ് സെക്രട്ടേറിയറ്റ് സാക്ഷ്യം വഹിച്ചത്. സംസ്ഥാന സര്‍ക്കാരിന്റെ ദുര്‍ഭരണത്തിനും നികുതികൊള്ളയ്ക്കുമെതിരെയാണ് യുഡിഎഫ് സെക്രട്ടേറിയറ്റ് വളയല്‍ സമരം നടത്തിയത്.

സെക്രട്ടേറിയറ്റില്‍ ജോലിക്കെത്തിയ ജീവനക്കാരെ തടഞ്ഞതാണ് വാക്കേറ്റത്തിനിടയാക്കിയത്. സെക്രട്ടേറിയറ്റിന്റെ കന്റോണ്‍മെന്റ് ഗേറ്റ് ഒഴികെ മറ്റ് കവാടങ്ങളെല്ലാം വളഞ്ഞായിരുന്നു യുഡിഎഫ് പ്രവര്‍ത്തകരുടെ പ്രതിഷേധം. ഒരു ജീവനക്കാരി പ്രതിഷേധക്കാരോടു കയര്‍ക്കുന്നതും എന്തുവന്നാലും ജോലിക്കുകയറുമെന്നും പറയുന്നുണ്ട്. വനിതാ പൊലീസ് സ്ഥലത്തെത്തി സ്ഥിതിഗതികള്‍ നിയന്ത്രിച്ചു. പ്രതിഷേധക്കാരുടെയും ജീവനക്കാരിയുടെയും ഇടയില്‍ നിന്നാണ് പൊലീസ് ഉദ്യോഗസ്ഥ കാര്യങ്ങള്‍ നിയന്ത്രിക്കുന്നത്. ഇതിന്റെ വിഡിയോ പുറത്തുവന്നിട്ടുണ്ട്. ''എനിക്ക് ജോലി ചെയ്യണം. എന്റെ ജോലി തടസ്സപ്പെടുത്താന്‍ പാടില്ല. ഒരു തടസ്സവും ഉണ്ടാകാന്‍ ഞാന്‍ സമ്മതിക്കില്ല. പറ്റില്ല. നിങ്ങള്‍ക്ക് സമരം ചെയ്യാം. പക്ഷേ, എനിക്ക് ജോലിക്കു പോകണം''അവര്‍ പറഞ്ഞു. ഞാന്‍ പോകുമെന്നു അവര്‍ പറയുമ്പോള്‍ പോകില്ലെന്ന് പ്രതിഷേധക്കാരും തിരിച്ചു പറയുന്നു. മാറി നില്‍ക്ക് എന്നവര്‍ പറയുമ്പോള്‍ ഇല്ല എന്നും പ്രതിഷേധക്കാര്‍ തിരിച്ച് ആക്രോശിക്കുന്നു. ഏതായാലും സെക്രട്ടേറിയറ്റ് ജീവനക്കാരും സമരക്കാരും തമ്മിലുള്ള വാക്കേറ്റം കൈയ്യാംങ്കളിയിലേക്ക് പോകാതിരിക്കാന്‍ പോലീസ് സുരക്ഷ ശക്തമാക്കി. പോലീസും സമരക്കാരും തമ്മില്‍ ഉന്തും തള്ളും നടന്നിരുന്നു. സമരക്കാര്‍ രണ്ടുംകല്‍പ്പിച്ചാണ് എത്തിയത്.

സംസ്ഥാന സര്‍ക്കാരിന്റെ ദുര്‍ഭരണത്തിനും നികുതി കൊള്ളയ്ക്കുമെതിരെയാണ് യുഡിഎഫ് ഉള്‍പ്പെടെയുള്ള പ്രതിപക്ഷ കക്ഷികള്‍ സമരം നടത്തുന്നത്. പ്രതിപക്ഷ നേതാവ് വി.ഡി.സതീശനാണ് സമരം ഉദ്ഘാടനം ചെയ്തത്. രമേശ് ചെന്നിത്തല, പി.കെ. കുഞ്ഞാലിക്കുട്ടി, എം.എം. ഹസന്‍ ഉള്‍പ്പെടെയുള്ള നേതാക്കള്‍ സമരത്തിനു നേതൃത്വം നല്‍കി. പാളയം രക്തസാക്ഷി മണ്ഡപത്തിന് മുന്‍പില്‍ ബിജെപി രാപ്പകല്‍ സമരത്തിനും ആഹ്വാനം ചെയ്തിട്ടുണ്ട്. യുവമോര്‍ച്ച നൈറ്റ് മാര്‍ച്ച്. അങ്ങനെ സര്‍ക്കാരിനെ നാനവഴിക്കൂടെയും പ്രതിരോധത്തിലാക്കുകയാണ് പ്രതിപക്ഷവും ബിജെപിയും. രണ്ടാം പിണറായി സര്‍ക്കാരിന്റെ രണ്ടാം വാര്‍ഷികത്തിന് കരിനിഴല്‍ വീണിരിക്കുകയാണ്. ശക്തമായ സമരപരിപാടികളുമായ് മുന്നോട്ട് പോകുമെന്ന് പ്രതിപക്ഷം വ്യക്തമാക്കുന്നു.

ഇപ്പോഴാണ് പ്രതിപക്ഷത്തിന് ഊര്‍ജ്ജം വന്നത്. ഇവിടെ ഒരു പ്രതിപക്ഷം ഉണ്ടോയെന്ന് മലയാളി ചോദിച്ച് കൊണ്ടിരുന്നത്. കാരണം പിണറഫായി സര്‍ക്കാര്‍ കാണിച്ച് കൂട്ടുന്ന അഴിഞ്ഞാട്ടങ്ങള്‍ക്കെതിരെ ഒരക്ഷരം മിണ്ടാതെ പഞ്ചപുച്ഛമടക്കി നില്‍ക്കുകയയാിരുന്നു ഇതുവരെ പ്രതിപക്ഷം. ഇവര്‍ തമ്മില്‍ അന്തര്‍ദ്ധാരയുണ്ടെന്ന പരിഹാസവും ഉയര്‍ന്നിരുന്നു. പിണരായിക്ക് കുഴലൂതുകയാണ് പ്രതിപക്ഷ നേതാവ് വിഡി സതീശനെന്ന ആക്ഷപേം ശക്തമായിരുന്നു. അങ്ങനെ പ്രതിപക്ഷത്തെ ജനങ്ങളെ എടുത്തിട്ട് കൊട്ടുകയായിരുന്ു. ഒടുവില്‍ പ്രതിപക്,ം വാ തുറന്നിരിക്കുന്നു. പ്രഹസനത്തിനാണെങ്കിലും പോയി സെക്രട്ടേറിയറ്റ് വളഞ്ഞു.