രണ്ടുദിവസത്തെ കേരളസന്ദര്‍ശനത്തിനായി ഉപരാഷ്ട്രപതി ജഗ്ദീപ് ധന്‍കര്‍ ഞായറാഴ്ച തിരുവനന്തപുരത്തെത്തും. പത്‌നി സുദേഷ് ധന്‍കറും ഒപ്പമുണ്ടാകും. 4.40-ന് വിമാനത്താവളത്തിലെത്തുന്ന ഉപരാഷ്ട്രപതി ഗാര്‍ഡ് ഓഫ് ഓണര്‍ സ്വീകരിച്ചശേഷം അഞ്ചുമണിക്ക് ശ്രീപത്മനാഭസ്വാമി ക്ഷേത്രം സന്ദര്‍ശിക്കും.

22-ന് ഒമ്പതിന് ക്ലിഫ് ഹൗസില്‍ മുഖ്യമന്ത്രിയുടെ വിരുന്നില്‍ പങ്കെടുക്കും. 10.30-ന് നിയമസഭ ആര്‍. ശങ്കരനാരായണന്‍ തമ്പി മെമ്പേഴ്സ് ലോഞ്ചില്‍ നിയമസഭാമന്ദിരത്തിന്റെ രജതജൂബിലി ഉദ്ഘാടനംചെയ്യും.

ഒന്നേകാലിനു കണ്ണൂര്‍ വിമാനത്താവളത്തില്‍ എത്തി തലശ്ശേരിയിലേക്കു പോകുന്ന അദ്ദേഹം അവിടെ അദ്ദേഹത്തിന്റെ അധ്യാപിക ആയിരുന്ന രത്‌ന നായരെ സന്ദര്‍ശിക്കും. 3.10നു വിമാനത്താവളത്തില്‍ തിരികെ എത്തിയ ശേഷം ഹെലികോപ്റ്ററില്‍ ഏഴിമല നേവല്‍ അക്കാദമിയിലേക്കു പോകും. 6.20നു ഡല്‍ഹിയിലേക്കു മടങ്ങും.