പന്ത്രണ്ട് വയസുകാരിയെ പീഡിപ്പിച്ചെന്ന കേസിലെ പ്രതിയെ വെറുതെ വിട്ടു. വിചാരണ ഘട്ടങ്ങളില്‍ പ്രതിക്കെതിരെ ആരോപിക്കുന്ന ഒരു കുറ്റങ്ങളും തെളിയിക്കുവാന്‍ പ്രോസിക്യൂഷന് കഴിഞ്ഞില്ല എന്ന കാരണത്താണ് പ്രതിയെ വെറുതെ വിടുന്നത് എന്ന നിരീക്ഷണത്തോടെയാണ് കോടതി നടപടി. തിരുവനന്തപുരം പോസ്‌കോ കോടതിയുടെതാണ് ഉത്തരവ്.

2021 നവംബര്‍ 21 നാണ് സംഭവം. കുട്ടി നാലാം ക്ലാസ്സില്‍ പഠിക്കുമ്പോള്‍ ആയിരുന്നു അമ്മയുടെ വീട്ടില്‍ വച്ച് രണ്ട് പ്രാവശ്യം പീഡിപ്പിച്ചു എന്നായിരുന്നു കുട്ടി ചൈല്‍ഡ് ലൈനില്‍ നല്‍കിയ പരാതിയില്‍ പറയുന്നത്. എന്നാല്‍ നാലാം ക്ലാസ്സില്‍ പഠിക്കുമ്പോള്‍ നടന്നു എന്ന് പറയുന്ന സംഭവം അഞ്ചാം ക്ലാസില്‍ പഠിക്കുമ്പോഴാണ് പറയുന്നത്. കുട്ടിയും മാതാപിതാക്കളം താമസിച്ചിരുന്ന വീട്ടില്‍ നിന്നും ഒഴിഞ്ഞ് മാറാന്‍ ആവശ്യപ്പെട്ടതിന് ശേഷം കുട്ടിയും കുടുംബവും കുട്ടിയുടെ അപ്പുപ്പന്റെ സഹോദരിയുടെ വീട്ടിലാണ് താമസിച്ചിരുന്നത്. ഇവിടെ വച്ചായിരുന്നു കൊച്ചു ടി വി കണ്ടു കൊണ്ടിരുന്ന കുട്ടിയെ അമ്മാവനായ പ്രതി പീഡിപ്പിച്ചത് എന്നായിരുന്നു പോലീസ് കേസ്.

എന്നാല്‍ ആരോപണം തെളിയിക്കുവാന്‍ കഴിയുന്ന ഒരു തെളിവ് പോലും വിചാരണ വേളയില്‍ കണ്ടെത്താന്‍ കഴിഞ്ഞില്ല. കുട്ടിയും കുടുംബവും താമസിക്കുന്ന അമ്മയുടെ വീട് തട്ടിയെടുക്കുവാനായി നല്‍കിയ കള്ള പരാതി എന്നായിരുന്നു പ്രതിയുടെ അഭിഭാഷകനായ എസ്.എം. നൗഫിയുടെ വാദം മാതൃവുമല്ല കേസില്‍ ഒന്നാം സാക്ഷി അടക്കമുള്ള സാക്ഷികള്‍ കൂറുമാറിയില്ല എന്നതും ശ്രദ്ധേയമാണ് എന്നും പ്രതിഭാഗം വാദിച്ചു. കേസില്‍ 22 സാക്ഷികളെയും , 22 രേഖകളും വിചാരണ സമയത്ത് പ്രോസിക്യൂഷന്‍ ഹാജരായി.