കോട്ടയം എരുമേലി കണമലയില് കാട്ടുപോത്തിന്റെ ആക്രമണത്തില് കൊല്ലപ്പെട്ട ചാക്കോയുടെ മൃതദേഹം ഇന്ന് രാവിലെ 9ന് സംസ്കരിക്കും....കാട്ടുപോത്തിനായി തെരച്ചില് വനംവകുപ്പ് തുടരുന്നു
കോട്ടയത്ത് എരുമേലി കണമലയില് കാട്ടുപോത്തിന്റെ ആക്രമണത്തില് കൊല്ലപ്പെട്ട ചാക്കോയുടെ മൃതദേഹം ഇന്ന് രാവിലെ 9ന് സംസ്കരിക്കും. കണമല സെന്റ് മേരിസ് പള്ളി സെമിത്തേരിയില് ആണ് സംസ്കാര ചടങ്ങുകള് നടക്കുക.
അതേസമയം 2 പേരുടെ ജീവനെടുത്ത കാട്ടുപോത്തിനെ വെടിവെച്ചു കൊല്ലണമെന്ന് നിലപാടില് ഉറച്ചു നില്ക്കുകയാണ് നാട്ടുകാര്. എന്നാല് പോത്തിന് പിടികൂടി കാട്ടിലേക്ക് വിടാമെന്ന നിലപാടിലാണ് വനം വകുപ്പ്. രണ്ടുദിവസമായി മേഖലയില് കാട്ടുപോത്തിനായി തെരച്ചില് നടത്തിയെങ്കിലും കണ്ടെത്താനായിട്ടില്ല.
കാട്ടുപോത്തിന്റെ കുത്തേറ്റുമരിച്ച കൊല്ലം ഇടമുളയ്ക്കല് സ്വദേശി സാമുവല് വര്ഗീസിന്റെ സംസ്കാര ചടങ്ങുകള് ചൊവ്വാഴ്ച്ച. പോസ്റ്റുമോര്ട്ടം നടപടിക്ക് ശേഷം മൃതദേഹം പാരിപ്പള്ളി മെഡിക്കല് കോളേജില് സൂക്ഷിച്ചിരിക്കുകയാണ്.
വെള്ളിയാഴ്ച രാവിലെയാണ് റബ്ബര് തോട്ടത്തില് നിന്ന സാമുവലിനെ കാട്ടുപോത്ത് ആക്രമിച്ചത്. വ്യാഴാഴ്ച്ച രാത്രിയാണ്. സാമുവല് ഗള്ഫില് നിന്ന് മടങ്ങി എത്തിയത്. അക്രമത്തിന് ശേഷം താഴ്ചയിലേക്ക് വീണ കാട്ടുപോത്തും ചത്തിരുന്നു.
"
https://www.facebook.com/Malayalivartha
