നിയമസഭാ മന്ദിരം രജതജൂബിലി ഉ​ദ്ഘാടനം ചെയ്ത് ഉപരാഷ്ട്രപതി ജ​ഗ്ദീപ് ധൻകർ. ഇന്ത്യയെന്ന ജനാധിപത്യത്തിന്റെ വൃക്ഷത്തിലെ ശിഖരമാണ് കേരളമെന്ന് ഉപരാഷ്ട്രപതി പറഞ്ഞു രാഷ്ട്രീയ കണ്ണുകള്‍കൊണ്ട് മാത്രം എല്ലാ വിഷയങ്ങളെയും കാണരുത്. രാജ്യത്തിന്റെ താത്പര്യം വരുമ്പോള്‍ രാഷ്ട്രീയത്തിന്റെ കണ്ണടമാറ്റിവെക്കണം. ജനാധിപത്യം മികച്ചതാവണമെങ്കില്‍ പ്രതിപക്ഷത്തേയും കേള്‍ക്കണം ,എന്നും അദ്ദേഹം പറഞ്ഞു.

കേരളത്തിലെ മലയാളികളെ കോരിയെടുത്തിരിക്കുകയാണ് അദ്ദേഹം. നമ്മുടെ ജനങ്ങളെ പ്രശംസിച്ചിരിക്കുകയും ചെയ്തു. മലയാളികൾ വിദ്യാസമ്പന്നരും അധ്വാനശീലരുമാണെന്ന് അദ്ദേഹം പറഞ്ഞു. താനും അതിൻ്റെ ഗുണമറിഞ്ഞവനാണ്. സൈനിക സ്കൂളിൽ തന്നെ പഠിപ്പിച്ച മലയാളി അധ്യാപകയെ അദ്ദേഹം അനുസ്മരിച്ചു.

മന്ദിരം മലയാളികളുടെ ഉയർന്ന ജനാധിപത്യ ചിന്തയുടെ പ്രതിരൂപം കൂടിയാണെന്നും അദ്ദേഹം പറഞ്ഞു പ്രമുഖരായ മലയാളികളുടെ പേരെടുത്ത് പറഞ്ഞാണ് അദ്ദേഹം കേരളത്തെ പ്രശംസിച്ചത്. ചട്ടമ്പി സ്വാമികള്‍, ശ്രീനാരായണഗുരു, ചാവറയച്ഛന്‍, വക്കം അബ്ദുള്‍ ഖാദര്‍ മൗലവി, ചിത്തിര തിരുനാള്‍ ബാലരാമവര്‍മ, കെ.ആര്‍. നാരായണന്‍, എ.പി.ജെ. അബ്ദുള്‍ കലാം എന്നിവരെയും അദ്ദേഹം സ്മരിച്ചു