പീഡന ശ്രമങ്ങൾക്ക് നമ്മുടെ നാട്ടിൽ ഒരു കുറവുമില്ല. പണ്ടൊക്കെ ആളൊഴിഞ്ഞ ഇടങ്ങളിൽ വച്ചാണ് പീഡനശ്രമം എങ്കിൽ ഇപ്പോൾ ആളുകൾ കൂട്ടത്തോടെ ഉള്ളിടത്ത് വച്ചാണ് പീഡന ശ്രമങ്ങളും അത്തരത്തിലുള്ള കോപ്രായങ്ങളും നടക്കുന്നത്. ഇപ്പോൾ ഇതാ മലപ്പുറത്ത് ഒരു സംഭവം റിപ്പോർട്ട് ചെയ്യപ്പെട്ടിരിക്കുകയാണ്.

ബസിനുള്ളിൽ ഒരു യുവാവ് കാട്ടിക്കൂട്ടിയ കോപ്രായങ്ങളുടെ ഞെട്ടൽ മാറുന്നതിനു മുന്നേ അടുത്ത സംഭവം ഉണ്ടായിരിക്കുന്നത് എന്നതും ശ്രദ്ധേയമായ കാര്യമാണ്.മലപ്പുറത്ത് കെഎസ്ആർടിസി ബസിൽ യുവതിക്ക് നേരെ പീഡനശ്രമം. കാഞ്ഞങ്ങാട് പത്തനംതിട്ട ബസിലാണ് ഈ സംഭവം ഉണ്ടായത് . യുവതിയുടെ പരാതിയിൽ കണ്ണൂർ സ്വദേശി നിസാമുദ്ദീൻ അറസ്റ്റിലായിരിക്കുകയാണ് .

ഇന്നലെ രാത്രി മലപ്പുറം വളാഞ്ചേരിയിൽ എത്തിയപ്പോഴായിരുന്നു ഇത്തരത്തിലൊരു സംഭവം ഉണ്ടായത് . യുവതിയോട് ഇയാള്‍ അപമര്യാദയായി പെരുമാറുകയായിരുന്നു. തുടര്‍ന്ന് യുവതി എമര്‍ജന്‍സി നംപറില്‍ വിളിച്ച് പരാതി പറഞ്ഞു . വളാഞ്ചേരിയില്‍ വെച്ച് പൊലീസെത്തി ഇയാളെ അറസ്റ്റ് ചെയ്തത്.

അതേസമയം കുറച്ച് ദിവസം മുന്നെയാണ് ബസിൽ തന്റെ അടുത്ത വന്നിരുന്ന് സ്വയംഭോഗം ചെയ്ത യുവാവിനെ നടിയും മോഡലുമായ നന്ദിത പിടികൂടിയത്. എറണാകുളത്തേക്കുളള യാത്രയ്ക്കിടെയാണ് സവാദ് എന്നയാളില്‍ നിന്നും നന്ദിത ദുരനുഭവം നേരിട്ടത്. ഇയാളെ പോലീസ് അറസ്റ്റ് ചെയ്തിരുന്നു.തന്റെ ഇൻസ്റ്റാഗ്രാം അക്കൗണ്ടിലൂടെയാണ് നന്ദിത ആദ്യം ഇത് തുറന്നു പറഞ്ഞത്..പിന്നീട ഒരുപാട് ആളുകൾ ഈ വീഡിയോ ഷെയർ ചെയുകയും ചെയ്തു.