കണ്ണൂരിലെ ബസിൽ നഗ്നത പ്രദർശനം . ചെറുപുഴ തളിപ്പറമ്പ് റൂട്ടിലോടുന്ന ബസിലാണ് സംഭവമുണ്ടായിരിക്കുന്നത്. സംഭവത്തിന്റെ വീഡിയോ അടക്കം പുറത്ത് വന്നിരിക്കുകയാണ്. മധ്യവയസ്കനാണ് ഇത്തരത്തിലൊരു മോശമായ പെരുമാറ്റം ബസിനുള്ളിൽ നടത്തിയിരിക്കുന്നത്. ഇതേ ബസിൽ യാത്ര ചെയ്തിരുന്ന യുവതിയാണ് ദൃശ്യങ്ങൾ പകർത്തിയത്.

ഇത്തരത്തിലൊരു മോശപ്പെട്ട സംഭവം നേരിടേണ്ടി വന്നത് സാമൂഹിക മാധ്യമങ്ങളിലൂടെ യുവതി തന്നെ പങ്കു വയ്ക്കുകയും ചെയ്തു. ബസിനുള്ളിൽ ഇത്തരത്തിലുള്ള സംഭവങ്ങൾ തുടരെ തുടരെ ആവർത്തിക്കുന്നു എന്നതാണ് ശ്രദ്ധേയമായ കാര്യം. കുറച്ച് ദിവസം മുന്നേയാണ്, യുവതിക്ക് നേരെ പീഡനശ്രമം ഉണ്ടായത്. രാത്രി 10 മണിക്ക് കാഞ്ഞിരംകുളം-പൂവാർ റൂട്ടിൽ സർവീസ് നടത്തിയ കെഎസ്ആർടിസി ബസിൽ ഒരു മോശമായ പെരുമാറ്റം ഉണ്ടായത്.

സംഭവവുമായി ബന്ധപ്പെട്ട് കാഞ്ഞിരംകുളം സ്വദേശി രഞ്ജിത്തിനെ നെയ്യാറ്റിൻകര പൊലീസ് കസ്റ്റഡിയിലെടുക്കുകയുണ്ടായി. ജോലി കഴിഞ്ഞ് വീട്ടിലേക്ക് മടങ്ങിയ നഴ്‌സിനോട് പല തവണ മോശമായി പെരുമാറിയെന്നാണ് പരാതിയിൽ വ്യക്തമാക്കിയിരിക്കുന്നത് . യുവതി വിവരം ബന്ധുക്കളെ ഉടനെ അറിയിച്ചു. ഇവരെത്തി ബസ് തടഞ്ഞുനിർത്തി പ്രതിയെ പിടികൂടി. പ്രതിയെ പിന്നീട് പൊലീസിന് കൈമാറുകയായിരുന്നു.

മലപ്പുറത്ത് സമാനമായ സംഭവം ഉണ്ടായി. കെഎസ്ആർടിസി ബസിൽ യുവതിക്ക് നേരെ പീഡനശ്രമം. കാഞ്ഞങ്ങാട് പത്തനംതിട്ട ബസിലായിരുന്നു ഈ സംഭവം ഉണ്ടായത് . യുവതിയുടെ പരാതിയിൽ കണ്ണൂർ സ്വദേശി അറസ്റ്റിലായി. രാത്രി മലപ്പുറം വളാഞ്ചേരിയിൽ എത്തിയപ്പോഴായിരുന്നു ഇത്തരത്തിലൊരു സംഭവം ഉണ്ടായത്. യുവതിയോട് ഇയാള്‍ അപമര്യാദയായി പെരുമാറുകയായിരുന്നു. തുടര്‍ന്ന് യുവതി എമര്‍ജന്‍സി നമ്പറില്‍ വിളിച്ച് പരാതി പറഞ്ഞു. വളാഞ്ചേരിയില്‍ വെച്ച് പൊലീസെത്തി ഇയാളെ അറസ്റ്റ് ചെയ്തു.